Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Ke ka Baka La’ng Dihlatse tša Jehofa di sa Keteke Easter?

Ke ka Baka La’ng Dihlatse tša Jehofa di sa Keteke Easter?

Dikgopolo tše di tlwaelegilego tše di fošagetšego

Maaka: Dihlatse tša Jehofa ga di keteke Easter ka gore ga se Bakriste.

Therešo: Re dumela gore Jesu Kriste ke Mophološi wa rena, e bile re dira sohle seo re ka se kgonago gore re “latele dikgato tša gagwe kgauswi.”—1 Petro 2:21; Luka 2:11.

Maaka: Ga le dumele gore Jesu o tsošitšwe bahung.

Therešo: Re dumela tsogong ya Jesu; re a kwešiša gore ke ya bohlokwa kudu tumelong ya Mokriste e bile re bolela ka yona kudu ge re ruta ba bangwe Beibele.—1 Bakorinthe 15:3, 4, 12-15.

Maaka: Ga le na taba le gore bana ba lena ba fetwa ke monate wa go keteka letšatši la maikhutšo la Easter.

Therešo: Re rata bana ba rena—re dira sohle seo re ka se kgonago go ba ruta le go ba thuša e le gore ba thabe.—Tito 2:4.

Ke ka baka la’ng Dihlatse tša Jehofa di sa keteke Easter?

  • Go keteka letšatši la maikhutšo la Easter ga se gwa thewa Beibeleng.

  • Jesu o laetše gore re gopole lehu la gagwe e sego tsogo ya gagwe. Re ba gona Segopotšong sa lehu la gagwe ngwaga le ngwaga ka letšatši leo a hwilego ka lona go ya ka khalentara ya Beibele.—Luka 22:19, 20.

  • Re dumela gore metlwae ya Easter yeo e thomilego meletlong ya bogologolo ya pelego, ga e kgahliše Modimo. Modimo o nyaka gore re mo nee “boineelo bjo bo feletšego,” e bile ga a kgahlišwe ke borapedi bjoo bo nago le metlwae yeo a sa e amogelego.—Ekisodo 20:5; 1 Dikgoši 18:21.

Re dumela gore phetho ya rena ya go se keteke Easter e theilwe ka go tia Beibeleng, yeo e re kgothaletšago gore re diriše “bohlale le tlhaologanyo” go e na le go fo latela ditlwaelo tša batho. (Diema 3:21; Mateo 15:3) Ge re dutše re botša ba bangwe ka ditumelo tša rena mabapi le Easter ge ba re botšiša, re boetše re hlompha phetho yeo motho yo mongwe le yo mongwe a e dirago ka taba ye.—1 Petro 3:15.

 

Ithute ka mo go oketšegilego

Beibele e Re’ng ka Easter?

Ithute ka ditlogo tše hlano tša letšatši la maikhutšo la Easter.

O ka Lemoga Borapedi bja Therešo Bjang?

Na go na le bodumedi bjo tee feela bja therešo? Ela hloko maswao a mahlano ao a bontšhago borapedi bja therešo.