Re latela keletšo ya Beibele ya gore re “hlomphe motho yo mongwe le yo mongwe”—go sa šetšwe ditumelo tša gagwe tša bodumedi. (1 Petro 2:17, Today’s English Version) Ka mohlala, dinageng tše dingwe go na le Dihlatse tša Jehofa tše diketekete. Lega go le bjalo, ga re leke go gapeletša boradipolotiki goba bahlami ba melao gore ba šitiše goba ba thibele seo madumedi a mangwe a se dirago. Le gona ga re gapeletše mmušo gore o hlame melao ya gore batho ka moka ba phele go swana le rena le go dumela seo re se dumelago. Go e na le moo, re swara madumedi a mangwe ka tsela yeo re letetšego gore a re sware ka yona.—Mateo 7:12.