Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Na Dihlatse tša Jehofa ke Sehlotswana sa Amerika?

Na Dihlatse tša Jehofa ke Sehlotswana sa Amerika?

Ntlokgolo ya rena ya lefase e United States of America. Lega go le bjalo, ga re sehlotswana sa Amerika ka baka la mabaka a latelago:

  • Ba bangwe ba hlalosa sehlotswana e le sehlopha sa bodumedi seo tšwelego bodumeding bjo bo lego gona. Dihlatse tša Jehofa ga se tša tšwa sehlopheng se itšego sa bodumedi. Go e na le moo, re nagana gore re theile lefsa mohuta wa Bokriste bjoo bo bego bo latelwa lekgolong la pele la nywaga.

  • Dihlatse tša Jehofa di swaregile ka go ruta batho Beibele dinageng tša ka godimo ga tše 230. Go sa šetšwe gore re dula kae, re botegela Jehovah Modimo le Jesu Kriste ka mo go feletšego, e sego mmušo wa U.S. goba mmušo le ge e le ofe wa batho.—Johane 15:19; 17:15, 16.

  • Dithuto tša rena ka moka di theilwe Beibeleng, e sego mengwalong ya moetapele yo a itšego wa bodumedi United States.1 Bathesalonika 2:13.

  • Re latela Jesu Kriste, e sego moetapele le ge e le ofe wa motho.Mateo 23:8-10.