Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Na Dihlatse tša Jehofa di ya Ngakeng?

Na Dihlatse tša Jehofa di ya Ngakeng?

Ee, Dihlatse tša Jehofa di ya ngakeng gore di hwetše kalafo. Gaešita le ge re leka go hlokomela mebele ya rena le go dula re phetše gabotse, ka dinako tše dingwe ‘re nyaka ngaka.’ (Luka 5:31) Ge e le gabotse, go fo swana le Mokriste wa lekgolong la pele la nywaga e lego Luka, ba bangwe ba Dihlatse tša Jehofa ke dingaka.—Bakolose 4:14.

Lega go le bjalo, dikalafo tše dingwe di thulana le melao ya motheo ya Beibele gomme ka baka leo ga re di amogele. Ka mohlala, ga re dumele go tšhelwa madi ka gobane Beibele e ganetša go tšhelwa madi e le go thekga mmele. (Ditiro 15:20) Ka mo go swanago, Beibele e iletša dikalafo goba mekgwa ya kalafo yeo e akaretšago go dirišana le meoya e mebe.—Bagalatia 5:19-21.

Lega go le bjalo, dikalafo tše dintši ga di thulane le melao ya motheo ya Beibele. Ka baka leo, motho o ikgethela kalafo yeo a e nyakago. Hlatse e nngwe e ka kgetha mohuta o itšego wa kalafo, mola Hlatse e nngwe e ka gana go o amogela.—Bagalatia 6:5.

 

Ithute ka mo go oketšegilego

Na Mokriste o Swanetše go ya Ngakeng?

Na Modimo o na le taba le gore re kgetha mohuta ofe wa kalafo?