Eya go dikagare

Eya go menyu wa bobedi

Dihlatse tša Jehofa

Sepedi

Ke ka Baka La’ng Dihlatse tša Jehofa di sa Bitše Lefelo Leo di Kopanelago go Lona Gore ke Kereke?

Ke ka Baka La’ng Dihlatse tša Jehofa di sa Bitše Lefelo Leo di Kopanelago go Lona Gore ke Kereke?

Ka Beibeleng, lentšu la Segerika leo ka dinako tše dingwe le fetolelwago e le “kereke” le šupa go sehlopha sa barapedi, e sego moago woo go kopanelwago go wona.

Ela hloko mohlala wo: Ge moapostola Paulo a be a ngwalela Bakriste ba kua Roma, o ile a romela ditumedišo go banyalani bao ba bitšwago Akhwila le Perisila gomme a oketša ka gore: “Dumedišang le kereke yeo e kopanelago ntlong ya bona.” (Baroma 16:5, Contemporary English Version) Paulo o be a sa re gore go dumedišwe moago. Go e na le moo, o be a dumediša batho—phuthego yeo e bego e kopanela ntlong yeo. *

Ka gona go e na le gore re bitše lefelo leo re kopanelago go lona gore ke kereke, re diriša polelwana “Holo ya Mmušo.”

Ke ka baka la’ng le re ke “Holo ya Mmušo ya Dihlatse tša Jehofa”?

Polelwana ye e swanela lefelo leo ka mabaka a latelago:

  • Moago ke holo, goba lefelo leo go kopanwago go lona.

  • Re kopana moo go rapela Jehofa, Modimo yo go bolelwago ka yena ka Beibeleng le go nea bohlatse goba go bolela ka yena.—Psalme 83:18; Jesaya 43:12.

  • Le gona re kopana gore re ithute ka Mmušo wa Modimo woo gantši Jesu a bego a bolela ka wona.—Mateo 6:9, 10; 24:14; Luka 4:43.

O ka etela Holo ya Mmušo yeo e lego kgauswi le moo o dulago gomme wa iponela ka noši kamoo Dihlatse tša Jehofa di swarago diboka tša tšona.

 

Ithute ka mo go oketšegilego

MOROKAMI

Holo ya Mmušo ke eng?

Hwetša lebaka leo ka lona Dihlatse tša Jehofa di bitšago lefelo la tšona la borapedi Holo ya Mmušo.