Aowa. Batho ba bantši ba dimilione bao ba phetšego nywageng e makgolo e fetilego bao e bego e se Dihlatse tša Jehofa ba tla newa sebaka sa gore ba phologe. Beibele e hlalosa gore lefaseng le lefsa la Modimo leo a le holofeditšego, “go tla ba le tsogo ya ba lokilego gotee le ba sa lokago.” (Ditiro 24:15) Go oketša moo, ba bantši bao ba phelago gona bjale ba ka thoma go hlankela Modimo gomme ba tla ba phologa. Go ba gona, ga se modiro wa rena go ahlola gore ke mang yo a tlago go phologa le yoo a ka se kego a phologa. Modiro woo o tla phethwa ke Jesu ka boyena.—Johane 5:22, 27.