Dlulela kokumunyethweko

Dlulela erhelweni elilandelako

Dlulela erhelweni leenhloko

AboFakazi BakaJehova

IsiNdebele

Iimfundo Ongazithola EBhayibhelini

 ISIFUNDO 92

UJesu Uzibonakalisa Ebathinyini Beemfesi

UJesu Uzibonakalisa Ebathinyini Beemfesi

Sekudlule isikhatjhanyana uJesu azibonakalisa ebapostolini bakhe, uPitrosi bekazilungiselela ukuyokuthiya iimfesi eLwandle leGalile. UTomasi, uJakopo noJwanisi nabanye abapostoli bakhamba naye. Balinga ukuthiya ubusuku boke kodwana akhenge babambe nayinye ifesi.

Ngamasa, babona indoda ijame eligweni lelwandle. Yababizela eqadi kwelwandle yathi: ‘Kukhona iimfesi enizibambileko na?’ Bathi: ‘Awa’ Akhenge sibambe litho. Indoda le yathi: “Phoselani inede ngesigomeni somkhumbi.” Bathi bonyana benze njalo, inede yazala iimfesi ezinengi khulu babe babhalelwa nakuyidosa. UJwanisi nakalemuka bona indoda le nguJesu, wathi: “Le yiKosi!” Khonokho uPitrosi weqela ngemanzini waduda bewayokufika eligweni. Abafundi abanye bamlandela ngesikepe.

Nabafika eligwinapho, babona ifesi nesikwa zibaswe emlilweni.  UJesu wathi abeze nezinye iimfesi bangezelele ukudla. Ngemva kwalokho wathi: ‘Asidleni ukudla kwekuseni.’

Nabaqeda ukudla, uJesu wabuza uPitrosi wathi: ‘Ungithanda ukudlula iimfesi na?’ UPitrosi wathi: ‘Iye Kosi uyazi ukuthi ngiyakuthanda.’ UJesu wathi: ‘Yondla iimvana zami.’ UJesu wabuyelela godu wathi: ‘Pitrosi uyangithanda na?’ UPitrosi wathi: ‘Iye Kosi uyazi ukuthi ngiyakuthanda.’ UJesu wathi: ‘Lusa izimvu zami.’ UJesu wambuza kwesithathu, kwanjesi khona uPitrosi wadana. Wathi: ‘Kosi wazi koke, uyazi ukuthi ngiyakuthanda.’ UJesu wathi: “Yondla izimvu zami.” Emaswapheleni wathi: “Ngilandela.”

“[UJesu] wathi kibo: ‘Yizani, ngilandelani! Ngizanenza ababambi babantu.’ Khonokho basukela amanedabo bamlandela.”—Matewu 4:19, 20

Funda Okungeziweko

LINGISA IKHOLO LABO

UPitrosi Walwisana Nokusaba Nokuzaza

Ukusaba kungaba yinto elimazako enamandla. UPitrosi wakuhlula ukusaba nokuzaza kwakhe malungana nokulandela uJesu.