Dlulela kokumunyethweko

Dlulela erhelweni leenhloko

AboFakazi BakaJehova

Khetha ilimi IsiNdebele

 ISIFUNDO 19

Linga Ukufikelela Ihliziyo

Linga Ukufikelela Ihliziyo

IzAga 3:1

ISIRHUNYEZO: Siza abakulaleleko bazwisise abakufundako bebakwenze.

INDLELA ONGAKWENZA NGAYO:

  • Siza abakulaleleko bazihlolisise. Siza abantu abakulaleleko bona bazihlolisise ngokusebenzisa imibuzo ezobenza bacabange.

  • Dzimelela eminqophweni emihle. Bawa abakulaleleko bona bahlolisise ukuthi kubayini benza imisebenzi emihle. Basize benze izinto ngomnqopho omuhle njengokuthanda uJehova, abantu neemfundiso zeBhayibheli. Siza abakulaleleko bona babone ukuhlakanipha okuvela eBhayibhelini. Kunokuthi ubenze bazizwe bahlazisekile namkha bamlandu nakuphela ikulumakho, basize bona bazizwe bakhuthazekile bona benze okungcono khulu.

  • Nqophisa idumo kuJehova. Veza bona iimfundiso zeBhayibheli, iinkambisolawulo nemithetho yalo zitjengisa njani ubuntu bakaZimu nendlela asithanda ngayo. Yenza abakulaleleko bona babe nekareko ngendlela uJehova azizwa ngayo nokuthi bacabangele ukumthabisa.