Dlulela kokumunyethweko

Dlulela erhelweni elilandelako

Dlulela erhelweni leenhloko

AboFakazi BakaJehova

IsiNdebele

Incwadami Yeendaba ZeBhayibhili

Indaba 32: Iimbetho Eziyi-10

Indaba 32: Iimbetho Eziyi-10

QALA iinthombezi. Ngasinye sitjengisa isibetho uJehova asiletha eGibhide. Uyambona esithombeni sokuthoma u-Aroni afaka intongakhe eMlanjeni iNayile. Lokha nakayifakileko, woke amanzi emlanjeni aphenduka iingazi. Iimfesi zafa begodu umlambo wathoma ukunuka.

Iimbetho kumaGibhide

Ngokulandelako uJehova wabangela bona kuphume iinrhwarha eMlanjeni iNayile. Bezizele yoke indawo—enondweni, eempanini zokubhaga, eembedeni yabantu—kiyo yoke indawo. Lapho iinrhwarhwezi nazifako amaGibhide azibuthelela zaba ziintundu, begodu inarha yoke yanuka ngebanga lazo.

U-Aroni wabetha phasi ngentonga yakhe, begodu ihlabathi yaphenduka abonompopoloza. Lezi ziinunwana ezincancani ezilumanako. Abonompopolozaba basibetho sesithathu enarheni yeGibhide.

Zoke iimbethwezi zatshwenya ama-Gibhide ingasi ama-Israyeli. Isibetho sesine kiyo yoke imizi yeGibhide bekuziimbawa. Isibetho sesihlanu saba seembandaneni. Iinkomo, izimvu neembuzi ezinengi eGibhide zafa.

Ngokulandelako uMosisi no-Aroni bathatha umlotha bawuphosa emoyeni. Babangela amathumba amambi ebantwini neembandaneni. Lesi bekusibetho sesithandathu.

Ngemva kwalokho uMosisi waphakamisela isandla sakhe phezulu, uJehova wathumela umdumo nesinanja. Bekusinanja esimbi khulu ekhe saba khona eGibhide.

Isibetho sobunane bekusikhonyana. Azankhe kube neentethe ezinengi kangaka ngaphambili. Zadla yoke into egade itjhiywe sinanja.

Isibetho sethoba bekubumnyama. Kwaba mnyama tshu amalanga amathathu, kodwana lapho gade kuhlala khona ama-Israyeli bekukhanya.

Emaswapheleni, uZimu watjela abantu bakhe bona banyenyeze iingazi zembuzana namtjhana zelamjana emagosenini weminyango yabo. Ingilozi kaZimu yadlula kilo loke leGibhide. Lokha neyibona iingazi, beyingabulali muntu emzini loyo. Kodwana kiyo yoke imizi ekungakanyenyezwa iingazi emagosenini wabo, ingilozi kaZimu beyibulala woke amazibulo wabantu noweenlwana. Lesi bekusibetho sesi-10.

Ngemva kwesibetho samaswaphela, uFaro watjela ama-Israyeli bona akhambe. Boke abantu bakaZimu bebakulungele ukukhamba, begodu ngabo bona ubusukobo balitjhiya iGibhide.

Eksodosi izahluko 7 ukuya ku-12.



Iimbuzo

  • Qala iinthombe ezitjengiswe la, bese uhlathulule iimbetho eenthathu zokuthoma uJehova aziletha eGibhide.
  • Gade uyini umehluko eembhethweni eenthathu zokuthoma, nakizo zoke ezinye iimbetho ezalandelako?
  • Saba yini isibetho sesine, sesihlanu, nesesithandathu?
  • Hlathulula isibetho sekhomba, sobunane nesethoba.
  • Khuyini uJehova akutjela ama-Israyeli bona akwenze ngaphambi kokobana kufike isibetho setjhumi?
  • Gade kuyini isibetho setjhumi, begodu kwenzekani ngemva kwaso?

Iimbuzo engezelelekileko

  • Funda u-Eksodosi 7:19-8:23

    Namtjhana abapristi beGibhide abenza iimlingo nabo bakghona ukwenza iimbetho ezifana nezokuthoma eembili ezenziwa nguJehova, khuyini abakateleleka bona bayivume ngemva kweembetho eenthathu? (Eks. 8:18, 19; Mt. 12:24-28)

    Isibetho sesine siveza njani bona uJehova angakwazi ukuvikela abantu bakhe, begodu ukwazi lokhu kwenza abantu bakaZimu bazizwe njani njengombana bazokuqalana “neentlayiseko ezikulu”? (Eks. 8:22, 23; ISamb. 7:13, 14; 2 Imila. 16:9)

  • Funda u-Eksodosi 8:24; 9:3, 6, 10, 11, 14, 16, 23-25; no-10:13-15, 21-23.

    Ngiziphi iinqhema eembili ezavezwa ziiMbetho eziliTjhumi, begodu lokhu kuwuthinta njani umbono wethu ngeenqhemezo namhlanjesi? (Eks. 8:10, 18, 19; 9:14)

    U-Eksodosi 9:16 usirhelebha njani sizwisise bona kubayini uJehova avumela uSathana aphile bekube nje? (Rom. 9:21, 22)

  • Funda u-Eksodosi 12:21-32.

    IPhasika lenza njani bona abanengi basinde, begodu khuyini ebeliyitjengisa ezokwenzeka esikhathini esizako? (Eks. 12:21-23; Jwanisi 1:29; Rom. 5:18, 19, 21; 1 Kor. 5:7)