Dlulela kokumunyethweko

Dlulela erhelweni leenhloko

AboFakazi BakaJehova

Khetha ilimi IsiNdebele

 IPILO YAMAKRESTU

Ukuthuthukisa Amakghonwethu Wokutjhumayela​—Ukwenza Amabuyelo

Ukuthuthukisa Amakghonwethu Wokutjhumayela​—Ukwenza Amabuyelo

OKWENZA KUQAKATHEKE: Abantu abanengi abathanda umlayezo womBuso bafuna iqiniso ngoZimu. (Isa 55:6) Ukuze sikghone ukubafundisa bona bathuthuke, kufuze sibuyele kanengi. Abantu baqalana neentjhijilo ezingafaniko, yeke nendlela esibatjhumayeza ngayo izokuhluka. Nanyana kunjalo, sizokuphumelela nange silungiselela kuhle begodu kube nento esifuna ukuyifikelela qobe nasimvakatjhelako, sinomgomo wokuthoma isifundo seBhayibheli.

INDLELA ESINGAKWENZA NGAYO:

  • Zimisele ukubuyela msinyana, kungadluli amalanga amanengi.​—Mat 13:19

  • Yiba nobungani begodu uhloniphe. Linga ukutjhaphuluka

  • Mlotjhise ngomusa. Umbize ngegama. Mkhumbuze ukuthi kuba yini ubuyile​—mhlamunye uzokuphendula umbuzo, umlethele umagazini wamva nje, uzomtjengisa i-jw.org, uzomdlalela ividiyo, namkha uzomtjengisa ukuthi siragwa njani isifundo seBhayibheli. Nange afuna ukukhuluma ngokhunye linga ukuvumelanisa ikulumwakho nendaba leyo.​—Flp 2:4

  • Thelelela imbewu yeqiniso etjalwe ehliziywenakhe ngokucoca naye ngemiTlolo, namkha ngokumtjhiyela incwadi. (1Ko 3:6) Linga ukwenza isingani naye

  • Buza umbuzo ozowuphendula nawubuyelako