Dlulela kokumunyethweko

Dlulela erhelweni elilandelako

Dlulela erhelweni leenhloko

AboFakazi BakaJehova

IsiNdebele

Ipilo Nomsebenzi WobuKrestu—Ihlelo Lomhlangano Webandla  |  Matjhi 2017

 IPILO YAMAKRESTU

Lalela UZimu Uphile Ngokungapheliko—Indlela Ongayisebenzisa Ngayo

Lalela UZimu Uphile Ngokungapheliko—Indlela Ongayisebenzisa Ngayo

Incwajana ethi Lalela UZimu Uphile Ngokungapheliko yenzelwe ukufundisa abantu amaqiniso asisekelo avela eBhayibhelini. Amakhasi amanengi anamabhoksi anemininingwana engeziweko ekungacocwa ngayo, kuye ngokuthi umfundi uzwisisa kangangani.

Incwajana le ungayipha abantu nanyana kukunini, ngitjho nalokha ingasi sisipho senyanga leyo. Nawuraga isifundo seBhayibheli, sebenzisa iinthombe ukuhlathulula lokho okufundiswa liBhayibheli. Buza imibuzo ubandakanye umfundi engcocweni begodu menze azwisise akufundako. Funda imitlolo engenzasi kwekhasi elinye nelinye, benicoce ngayo. Nasele niqedile ukufunda incwajana le, ningathoma ukufunda incwadi ethi, Khuyini Kwamambala Okufundiswa YiBhayibhili? namkha ethi Lisifundisani IBhayibheli? ukusiza umfundi athuthuke bekabhajadiswe.