Dlulela kokumunyethweko

Dlulela erhelweni leenhloko

AboFakazi BakaJehova

Khetha ilimi IsiNdebele

 IPILO YAMAKRESTU

Ukuthuthukisa Amakghonwethu Wokutjhumayela—Ukulisa Ukufunda Nabantu Abangathuthukiko

Ukuthuthukisa Amakghonwethu Wokutjhumayela—Ukulisa Ukufunda Nabantu Abangathuthukiko

OKWENZA KUQAKATHEKE: Nabazakusindiswa abantu kufuze babize ibizo lakaJehova. (Rom 10:13, 14) Nanyana kunjalo, akusingibo boke abafunda iBhayibheli abaphila ngeenkambisolawulo zakaJehova. Singasisebenzisa kuhle isikhathi sethu sokutjhumayela ngokusiza labo abafuna ukuthabisa uJehova bona benze amatjhuguluko. Nakhibe umuntu esifunda naye iBhayibheli akawenzi amatjhuguluko ngemva kwesikhathi esithileko, ngokuhlakanipha silisa ukufunda naye, sisebenzise isikhathi sethu namandla sisize labo uJehova abadosela kuye nehlanganwenakhe. (Jwa 6:44) Ngokukhamba kwesikhathi, nakhibe umuntu ebesifunda naye ‘uzimisele ukufumana ukuphila okungapheliko,’ sizokufunda naye iBhayibheli godu.—IzE 13:48.

INDLELA ESINGAKWENZA NGAYO:

  • Mbuke umfundi ngokufuna kwakhe ukuthola ilwazi leqiniso.—1Tm 2:4

  • Gandelela ukuqakatheka kokusebenzisa akufundako.—Luk 6:46-49

  • Coca naye ngomfanekiso kaJesu womtjali, bese uyambuza bona khuyini okumvimbela ukuthi athuthuke.—Mat 13:18-23

  • Ngokuhlakanipha mhlathululele bona kubayini ulisa ukufunda naye

  • Mazise ukuthi uzokunande umhlola ukuze umkhuthaze, nokuthi ningabuye nifunde godu esikhathini esizako nange enze amatjhuguluko

BUKELA IVIDIYO BESE UPHENDULA IMIBUZO NASI:

  • Khuyini oyifundileko engcocweni le, etjengisa ukuthi umuntu ofundelwako akathuthuki elwazini lakhe ngoJehova?

  • Umrhuweleli umsize njani umfundi ukuthi azwisise bona kufuze enze amatjhuguluko?

  • Yini umrhuweleli ayenzileko etjengisa ukuthi isifundo singaraga godu ngesinye isikhathi?