IsAmbulo 8:1-13

  • Itshwayo lekhomba liyavulwa (1-6)

  • Ukubetjhwa kweembhorompita ezine zokuthoma (7-12)

  • Abomaye abathathu bayamenyezelwa (13)

8  Nayivula itshwayo lekhomba, kwathula kwathi du ezulwini pheze isiquntu se-iri.  Ngabona iingilozi ezilikhomba ezijama phambi kwakaZimu, zanikelwa iimbhorompita ezilikhomba.  Kwafika enye ingilozi yajama e-aldareni iphethe isitja sepepho segolide, yanikelwa nepepho enengi bona iyinikele kunye nemithandazo yabo boke abacwengileko e-aldareni legolide ebeliphambi kwesihlalo sobukhosi.  Intuthu yepepho esesandleni sengilozi yakhuphuka kunye nemithandazo yabacwengileko phambi kwakaZimu.  Khonokho ingilozi yathatha isitja sepepho, yasizalisa ngomunye womlilo we-aldareni yasiphosela ephasini. Kwaba nokuduma kwezulu, amezwi, ukuphazima kombani nokusikinyeka kwephasi.  Iingilozi ezilikhomba eziphethe iimbhorompita ezilikhomba zalungela ukuzibetha.  Yokuthoma yabetha ibhorompitayo. Kwaba nesinanja nomlilo ovangwe neengazi, kwaphoselwa ephasini; nengcenye yesithathu yephasi yatjhiswa, nengcenye yesithathu yemithi yatjhiswa, nazo zoke iintjalo ezihlaza zatjhiswa.  Ingilozi yesibili yabetha ibhorompitayo. Okuthileko okunjengentaba ekulu evutha umlilo kwaphoselwa elwandle. Ingcenye yesithathu yelwandle yaba ziingazi;  nengcenye yesithathu yeembunjwa eziphilako elwandle yafa, nengcenye yesithathu yemikhumbi yaphahlazeka. 10  Ingilozi yesithathu yabetha ibhorompitayo. Ikwekwezi ekulu evutha njengesibani yawa ivela ezulwini, yawela engcenyeni yesithathu yemilambo nemithonjeni yamanzi. 11  Ibizo lekwekwezi leyo yiNghana. Ingcenye yesithathu yamanzi yaphenduka yaba yinghana, abantu abanengi babulawa mamanzi lawo, ngombana bekenziwe ababa. 12  Ingilozi yesine yabetha ibhorompitayo. Ingcenye yesithathu yelanga yabetjhwa nengcenye yesithathu yenyanga nengcenye yesithathu yeenkwekwezi, ukuze ingcenye yesithathu yakho yenziwe ibe mnyama nemini ingabi nokukhanya ingcenye yesithathu yayo, nobusuku ngendlela efanako. 13  Ngabona begodu ngezwa ikhozi liphapha emkayini litjho ngelizwi elikhulu lithi: “Maye, maye, maye kilabo abahlala ephasini ngebanga lokhunye ukulila kweembhorompita zeengilozi ezintathu esele zizokubetha iimbhorompita zazo!”

Imitlolo Ephasi