Dlulela kokumunyethweko

Dlulela erhelweni leenhloko

AboFakazi BakaJehova

Khetha ilimi IsiNdebele

2 Pitrosi 2:1-22

OUTLINE OF CONTENTS

  • Kuzokuba nabafundisi bamala (1-3)

  • Isahlulelo sabafundisi bamala siqinisekile (4-10a)

    • Iingilozi ziphoselwa eTartarusi (4)

    • UMthwalela; iSodoma neGomora (5-7)

  • Amatshwayo weemfundiso ezikhohlisako (10b-22)

2  Nanyana kunjalo, kwaba nabaphorofidi bamala phakathi kwabantu, njengombana kuzokuba nabafundisi bamala phakathi kwenu. Bazokungenisa ngokukhukhutha iintlamu ezitjhabalalisako, begodu bazokuphika nomnikazi wabo owabathengako, bazilethele ukutjhatjalaliswa ngokurhabako.  Ngaphezu kwalokho, abanengi bazokulandela ukwenza kwabo amanyala bangabi neenhloni,* kanti ngebanga labo indlela yeqiniso izokukhulunywa kumbi.  Godu, ngokuba marhamaru kwabo bazonicaphaza ngamezwi akhohlisako. Kodwana isahlulelo sabo, esakhutjhwa kade, asikhambi kabuthaka, nokutjhatjalaliswa kwabo akukalali.  Ngokuqinisekileko uZimu akhenge alise ukujezisa iingilozi ezonako, kodwana waziphosa eTartarusi,* wazibopha ngeenketani* ebumnyameni obukhulu bona zibekelwe isahlulelo.  Godu akhenge alise ukujezisa iphasi lekadeni, kodwana wabulunga uNowa, umtjhumayeli wokulunga aphephile kunye nabanye abalikhomba nakaletha umthwalela ephasini labantu abangamsabiko uZimu.  Godu ngokuyitjhisa thokgho iSodoma neGomora, wayilahla, abekela abantu abangamsabiko uZimu isibonelo sezinto ezizako.  Kodwana wamhlenga uLoti, obekagandeleleke khulu ngebanga labantu abanganamthetho ebebenza amanyala bangabi neenhloni*  ngombana ilanga nelanga umuntu olungileko lo bekahlunguphaza umphefumulwakhe* olungileko ngebanga lokukhohlakala ebekakubona begodu akuzwa njengombana ahlala hlangana nabo.  Nje-ke, uJehova uyakwazi ukubahlangula esilingweni abantu abathembekileko kuye, kodwana abekele abantu abambi ukutjhatjalaliswa* ngelanga lesahlulelo, 10  khulukhulu labo abafuna ukusilaphaza inyama yabanye begodu badelele ubukhosi. Banesibindi esirarako begodu banekani, abasabi ukukhuluma kumbi ngabaphazimulako, 11  kukulapho iingilozi, nanyana zinobukghoni namandla amakhulu kunabo, zingabamangaleli ngeenkulumo ezimbi, ngombana zihlonipha uJehova. 12  Kodwana abantwaba, njengeenlwana ezinganangqondo eziragwa mazizo angokwemvelo begodu ezizalelwa ukubanjwa zitjhatjalaliswe, bakhuluma kumbi ngezinto abangazaziko. Bazokurhayilwa ngokutjhatjalaliswa okulethwa yikambo yabo etjhabalalisako, 13  ukulimala kube mvuzo wekambo yabo elimazako. Bakuthatha njengokuthabisako ukuzitika ngepilo emabothobotho, ngitjho nemini libalele. Bamachaphazela nemitjhapho, bazithabisa* ngeemfundiso zabo ezikhohlisako kukulapho badla nani eminyanyeni. 14  Amehlwabo azele ubufebe* begodu abakghoni ukulisa isono, bayenga nalabo abangakadzimeleli. Banehliziyo ebandulelwe ukuba marhamaru. Babantwana abaqalekisiweko. 15  Batjhiye indlela enqophileko, baphambukisiwe. Balandele indlela kaBhalami indodana kaBhewori, owathanda umvuzo wokwenza okumbi, 16  kodwana wakhalinywa ngokungenzi kwakhe okulungileko. Udumbana ongakwazi ukukhuluma wakhuluma ngelizwi lomuntu wavimba ikambo yokurhapha yomphorofidi lo. 17  Bamithombo enganamanzi nekungu eragwa siwuruwuru esikhulu, babekelwe ubumnyama obubudlula boke. 18  Batjho amezwi azwakala ngasuthi ahlakaniphile kodwana alilize. Ngeenkanuko zenyama nangokwenza amanyala bangabi neenhloni,* bayenga abantu abasand’ ukuphunyurha kilabo abaphila ngokwenza umtjhapho. 19  Babathembisa itjhaphuluko, khisibe kwabona baziingqila zokonakala; ngombana nangabe umuntu uhlulwa ngothileko, usigqila sakhe.* 20  Ngokuqinisekileko nangabe ngemva kokuphunyurha ezintweni ezisilaphazako zephasi ngelwazi elinembileko leKosi noMsindisi uJesu Krestu, babuyele ezintweni abazihlulileko, ubujamo babo bamuva buzokuba bumbi khulu kunebokuthoma. 21  Ngombana bekungaba ngcono ngabo ukungayazi ngokunembileko indlela yokulunga kunokuthi ngemva kokuyazi bafulathele umyalo ocwengileko abawufumeneko. 22  Okutjhiwo sisaga esiliqiniswesi kwenzekile kibo: “Inja ibuyele emahlanzenayo, nesavukazana esihlanjisiweko sibuyele ekuzibhudabhudeni edakeni.”

Imitlolo Ephasi

2Pt 2:2  Ubunengi bebizo lesiGirigi elithi a·selʹgei·a. Qala Ihlathululo.
2Pt 2:4  Qala Ihlathululo.
2Pt 2:4  Namkha kungenzeka, “wazifaka ngemigodini.”
2Pt 2:7  NgesiGirigi, a·selʹgei·a. Qala Ihlathululo.
2Pt 2:8  Qala Ihlathululo.
2Pt 2:9  NgesiGirigi “ukuquntwa.”
2Pt 2:13  Namkha “bazitika ngethabo elingalawulwako.”
2Pt 2:14  NgesiGirigi kusetjenziswe ibizo eliqalisela emntwini otjhadileko oya emabhayini nomuntu angakatjhadi naye.
2Pt 2:18  Ubunengi bebizo lesiGirigi elithi a·selʹgei·a. Qala Ihlathululo.
2Pt 2:19  Namkha “uhlulwa ngokuthileko, usigqila sakho.”