Dlulela kokumunyethweko

Dlulela erhelweni elilandelako

Dlulela erhelweni leenhloko

AboFakazi BakaJehova

IsiNdebele

IsiThala  |  Novemba 2015

 ISIHLOKO ESINGAPHANDLE | BOBANI ABOFAKAZI KAJEHOVA?

Khuyini Abayikholelwako AboFakazi BakaJehova?

Khuyini Abayikholelwako AboFakazi BakaJehova?

AboFakazi bakaJehova bakholelwa ukuthi, “yoke imiTlolo iphefumulelwe nguZimu, begodu ilungele ukufundisa.” (2 Thimothi 3:16) Sisebenzisa iBhayibheli njengesinqophiso samambala bona sifunde ngoMbumbi begodu siphile ipilo enomnqopho.

IBhayibheli lithi: “Benze balemuke bona wena, nguwe wedwa obizwa bona [unguJehova], iye wena ungoPhezulu ephasini loke.” (IRhubo 83:19, [83:18, NW]) Yeke, sikhulekela uJehova uZimu kwaphela, njengombana siboFakazi bakhe silinga ngamandla ukuthi sazise ngebizo lakhe.Isaya 43:10-12.

Ngebanga lokuthi simaKrestu, sikholelwa ukuthi uJesu ‘uyiNdodana kaZimu,’ * weza ephasini bewaba nguMesiya. (Jwanisi 1:34, 41; 4:25, 26) Ngemva kokufa kwakhe, uJesu wavuselwa ezulwini. (1 Korinte 15:3, 4) Kwathi kamva waba yiKosi yomBuso kaZimu. (IsAmbulo 11:15) UmBuso loyo ungurhulumende wamambala ozokuletha iPharadesi ephasini. (Danyela 2:44) IBhayibheli lithi, “abathobekileko bazakuzuza inarha, bathabele ukuthula okukhulu.”IRhubo 37:11, 29.

“Nabafunda iBhayibheli bakholelwa ukuthi uZimu ukhuluma nabo. Kuthi nabavelelwa miraro emaphilwenabo, bafunda iliZwi lakaZimu bafune isisombululo kilo. . . . Kibo iliZwi lakaZimu liyaphila.”—UBenjamin Cherayath umfundisi weKatolika, kubika iphephandaba i-Münsterländische Volkszeitung, leJarimani

AboFakazi bakaJehova bakholelwa bona iinkambisolawulo zeBhayibheli zingazuzisa abantu ngitjho nanamhlanjesi. (Isaya 48:17, 18) Yeke, iinkambisolawulwezo siyazilalela bese senza lokho ezikutjhoko. Ngokwesibonelo, ngebanga lokuthi iBhayibheli lisikhalima ngokuthi sitjhide ezintweni ezisilaphaza imikhumbulwethu nemizimbethu, asibhemi nofana sisebenzise kumbi iindakamizwa. (2 Korinte 7:1) Sibalekela imikghwa elahlwa yiBhayibheli ngokukhethekileko, njengokuziphatha kumbi ngokomseme, ukudakwa nokweba.1 Korinte 6:9-11.

^ isig. 5 IBhayibheli nalikhuluma ngoJesu lithi, ‘uyiNdodana kaZimu ekukuphela kwayo’ ngebanga lokuthi ulizibulo lakho koke uJehova akubumbileko.Jwanisi 3:18; Kolose 1:13-15.

Funda Okungeziweko

OKUBUZWAKO

Inga-Kghani AboFakazi BakaJehova Bakholelwa Bona Ikolo Yabo Ngekuphela Kwekolo Yeqiniso?

Inga-kghani uJesu wathi zinengi iindlela eziyisa ekusindisweni?