Dlulela kokumunyethweko

Dlulela erhelweni elilandelako

Dlulela erhelweni leenhloko

AboFakazi BakaJehova

IsiNdebele

IsiThala  |  Septemba 2015

IMIBUZO YEBHAYIBHELI IYAPHENDULWA

IMIBUZO YEBHAYIBHELI IYAPHENDULWA

Kazi ubumbi bavelaphi?

Ngubani owalinga ukwenza uJesu ukuthi enze okumbi?—Matewu 4:8-10

Ngokuvamileko, inengi labantu lifuna ukuthula, ukuthembeka nokuba nomusa. Manje-ke, kubayini kanengi sihlalele kubona imiguruguru, ukungabi nobulungiswa nokukhohlakala? Nakumibiko ehlasimulisa umzimba seyaba yinto esiyijayeleko. Kghani kunomuntu olinga ukwenza abantu ukuthi benze izinto ezimbi?Funda yoku-1 Jwanisi 5:19.

Kghani uZimu wadala abantu banobuntu obumbi? Abe akusinjalo, uJehova uZimu wabumba abantu ngomfanekiswakhe, baba nobuntu obuhle khulu bokuthi bakwazi ukulingisa ithando lakaZimu. (Genesisi 1:27; Jobho 34:10) Kodwana uZimu bekalihlonipha ilungelo labantu lokuzikhethela. Kwathi ababelethi bethu bokuthoma nabakhetha ubumbi, bala isibonelo sakaZimu, balahlekelwa bubuntu babo obuhle baba nesono. Nathi-ke sabufumana kibo ubuntu obumbi obusisono.Funda uDuteronomi 32:4, 5.

Manje sizokusolo sinobuntu obumbi bekube nini?

UZimu ufuna sibuhlule ubuntu obumbobu. (IzAga 27:11) Yeke usifundisa ukuthi singakubalekela njani ukwenza izinto ezimbi nokuthi singalifumana njani ithabo lamambala. Nanyana kunjalo, okwanje, angeze salilingisa patsi ithando lakaZimu.Funda IRhubo 32:8.

Nanyana nje ubumbi bungarhagala, kodwana uZimu usabuvumele isikhatjhana ukwenzela ukuthi sikwazi ukubona imiphumela yabo ebangela amatlhuwo. (2 Pitrosi 3:7-9) Ingasikade, iphaseli lizobe lizele ngabantu abathabe kwamanikelela abalalela uZimu.Funda IRhubo 37:9-11.