Dlulela kokumunyethweko

Dlulela erhelweni elilandelako

Dlulela erhelweni leenhloko

AboFakazi BakaJehova

IsiNdebele

IsiThala (Esifundwa Ebandleni)  |  Julayi 2013

Ilunga Elitjha LesiHlopha EsiBusako

Ilunga Elitjha LesiHlopha EsiBusako

NgeLesithathu ekuseni, ngoSeptemba 5, 2012, kwamenyezelwa emindenini yeBethel ese-United States neCanada bona kungezelelwe ilunga elitjha esiHlopheni esiBusako saboFakazi bakaJehova. Kusukela ngoSeptemba 1, 2012, uMark Sanderson wathoma ukukhonza esabelweneso.

Umzalwana uSanderson wakhulela eSan Diego, eCalifornia, e-U.S.A., wakhuliswa babelethi bakhe abamaKrestu begodu wabhabhadiswa ngoFebherbari 9, 1975. Wathoma ukukhonza njengephayona eSaskatchewan, eCanada, ngoSeptemba 1, 1983. NgoDesemba 1990, wathweswa iziqu eklasini lekhomba leSikolo sokuBandulelwa iKonzo (nje esibizwa ngokuthi Sikolo seBhayibheli saBazalwana abangakaTjhadi) e-United States. Ngo-Apreli 1991 umzalwana uSanderson wabekwa bona akhonze njengephayona elikhethekileko esihlengeleni seNewfoundland, eCanada. Ngemva kobana akhonze njengomjaphethe wombonisi wesifunda, wamenywa bona abelilunga lomndeni weBethel yeCanada ngoFebherbari 1997. NgoNovemba 2000, wathunyelwa egatjeni le-United States, lapho akhonza khona emnyangweni we-Hospital Information Services begodu ngokukhamba kwesikhathi eMnyangweni weKonzo.

NgoSeptemba 2008, umzalwana uSanderson waya eSikolweni samaLunga weKomidi yeGatja begodu ngemva kwalokho webekwa njengelunga leKomidi yeGatja ePhilippines. NgoSeptemba 2010, wamenywa bona abuyele e-United States, bona ayokhonza njengomsizi eKomidini yeKonzo yesiHlopha esiBusako.