Dlulela kokumunyethweko

Dlulela erhelweni leenhloko

AboFakazi BakaJehova

Khetha ilimi IsiNdebele

Ngubani UZimu?

Ngubani UZimu?

Abantu abanengi bathi bayakholelwa kuZimu. Kodwana nawubabuza bona ngubani uZimu, uzokufumana iimpendulo ezihlukileko. Kabanye, uZimu mgwebi onelunya ofuna ukuhlala ajezisa abantu ngebanga lezenzo zabo ezimbi. Kabanye, uhlala anethando begodu alibalela nanyana yini abayenzako. Kunabanye godu, abakholelwa ukuthi uZimu ukude begodu akanandaba nathi. Ngebanga lemibono eminengi ephikisanako, abanengi bangazizwa ngasuthi angeze bakghona ukwazi bona ngubani uZimu.

Kghani kuqakathekile ukwazi bona ngubani uZimu? Iye, kuqakathekile. Ukwazi uZimu kuzokunikela umnqopho ekuphileni. (IzEnzo 17:26-28) Nawutjhidela kuZimu, kulapho azokuthanda bekakusize khona khulu. (Jakopo 4:8) Ekugcineni, ukuba nelwazi elinembileko ngoZimu kuzokulethela ukuphila okungapheliko.—Jwanisi 17:3.

Ungamazi njani uZimu? Cabanga ngomuntu omazi ngcono, njengomngani otjhidelene naye. Isikhozi senu sathoma njani? Kungenzeka wathoma ngokwazi ibizo lakhe, ubuntu bakhe, izinto azithandako nangazithandiko, nokuthi khuyini akhe ayenza nafisa ukuyenza, nokhunye okunengi. Lokhu ngikho okwakudosela emuntwini loyo—wamfunda.

Ngokufanako, singamazi uZimu ngokucabangela izinto ezilandelako:

Umagazini lo wenzelwe ukunikela iimpendulo zemibuzo le ezisekelwe eBhayibhelini. Iinhloko zawo zizokusiza bona ungafundi ukuthi ngubani uZimu kwaphela, zizokufundisa nokuthi khuyini ozoyizuza ngokuba netjhebiswano naye.