Dlulela kokumunyethweko

Dlulela erhelweni leenhloko

AboFakazi BakaJehova

Khetha ilimi IsiNdebele

UMnakwethu uKenneth E. Cook, Jr., nomkakhe uJamie

Ilunga Elitjha LesiHlopha EsiBusako

Ilunga Elitjha LesiHlopha EsiBusako

NgeLesithathu ekuseni ngoJanabari 24 2018, imindeni yeBethel ye-United States neyeCanada yathabela ukuzwa isaziso esithi: UMnakwethu uKenneth Cook,  Jr., sekalilunga elitjha lesiHlopha esiBusako saboFakazi bakaJehova.

UMnakwethu uCook wabelethelwa ePennsylvania, e-U.S.A bewakhuliselwa khona. Wafunda iqiniso emnganinakhe ebekafunda naye nasele azokuqeda esikolweni samabanga aphezulu bewabhajadiswa ngomhlaka-7 Juni, 1980. NgoSeptemba 1, 1982 wathoma ukuphayona isikhathi esizeleko. Ngemva kweminyaka emibili yokuphayona, wamenyelwa emndenini weBethel eWallkill, eNew York, ngo-Oktoba 12, 1984.

Eminyakeni ema-25 aseBhethel wafumana izabelo ezingafaniko zokusebenza eBethel Office nendaweni yokuGadangisa. Ngomnyaka ka-1996 watjhada noJamie naye waya eBethel eWallkill. NgoDisemba 2009 uMnakwethu noDadwethu Cook bathunyelwa eWatchtower Educational Center ePatterson eNew York, ngesikhatheso uMnakwethu Cook wabelwa ukusebenza emNyangweni ophendula imibuzo emalungana neenkolelo zethu. Ngo-Apreli 2016, nababuyela eWallkill bathunyelwa eBrooklyn eNew York. Ngemva kweenyanga ezihlanu bathuthela emzimkhulu wephasi loke eWarwick New York. NgoJanabari 2017 uMnakwethu uCook wabelwa bona abe msizi weKomidi yezokuTlola yesiHlopha esiBusako.