• Nana tamda khalei chi mi kateilila mahāngshila? (1)
  • Pao kaphāhi na khipāli vāhāngra? (2)
  • Nawui otsakna mibingli khi theikhui ngasakhala? (2)
  • Na katharān eina congregationli ngasolaga pao hākashokwui ot sāshaprakhala? (3)

1 Āra na Biblewui eina -kaphā otsak tarākha tamkhuihaira. Christian ākhawui ācham-āram semkakāli āwor hina nali thānmiki kachina. (Ephesus 4:22-24) Katang makhavai mirin samphangkhavai hikathā aworhi nawui vāng khamataiyana. (John 17:3) Mi kateinala kahui samphang khavai pao kaphāhi kashā darkar sai. Khamashunga Christian saikorana mibingli shākhi khamiwui ot hi sāphalungra. Hi varewui kakasona.—Rome 10:10; 1 Corinth 9:16; 1 Timothy 4:16.

2 Nana tamda khalei kaphā ot hibingwui maramhi nawui khanganai mibingli hāngphokhaolu. Nawui shimkhur mibing, ngasotnaobing, school kakharumabing kala ot sākharumabinglila -hānglu. Ot hi kasā tharān na lumashankathei kala ja̱mikathei eina ngasoda sāphalungra. (2 Timothy 2:24, 25) Mibingna kachikathā mi ākhana hāngda khalei tuipā chiliya āna sāda khalei otsakpāli mataimeida yangnga kachihi phaningunglu. Hithādasāda nawui ācham kaphā china mibingli nawui tui chi nganāngaingasaka.—Mathew 5:16; 1 Peter 3:1, 2, 16.

3 Sāpaihaira kachi ātamli nala Jehovah -witnessbingwui congregationli ngasolaga pao hāshokpaira. Hi nawui reikasangli khamataiya pheikār ākhana. (Mathew 24:14) Nana kachikathā mili ngachonshapta ānala Jehovahwui rao ākha sāhaoshi kaja kala katang makhavai mirin samphangsi kaja kayākha ringphārakhala.—1 Thessalonica 2:19, 20.