• Varewui ngasotnao ākha sākhavai na khi sārakhala? (12)
  • Na vareli kathāda chikatrakhala? (1)
  • Na kathārān rahikra? (2)
  • Na vareli shitsangda leichingkhavai pangshap kathāda samphangra? (3)

1 Varewui ngasotnao ākha sākhavai, na Biblewui khamashung āwor mathāda theiphalungra. (1 Timothy 2:3, 4) Nana tamkhuikahaibing chi shitsangphalungra (Hebrew 11:6), nawui maoreiwuivāng ning ngateiphalungra (Otsak 17:30, 31), kala nawui mirin shongfa̱ -ngacheiphalungra. (Otsak 3:19) Chieinava, -vareli leikashi china na khalattana āli -chikatkhangaiwui ning leingasaki kachina. Hiwui kakhalatta, nawui seihā kasali nahi āwui ningkachāng sāra da chikathaira kachi hi hāngphalungra kachina.—Mathew 16:24; 22:37.

2 Na vareli chikatkahaiwui thili, rahik ki kachina. (Mathew 28:19, 20) Rakahik hina na khalattana Jehovahli chikathaira kachi mi kachivali theingasaka. Chithādasāda rakahik hiya varewui otram ngatha̱ra da tuitak khuikashap mibingwuivāng māngnga. Mi ākhali rahikkhamitharān āwui phasā katonga taralungli kasa̱kha ngaphum ngasak phalungra.*—Mark 1:9, 10; Otsak 8:36.

3 Chikat kahaiwui thiliva nawui tuingashit āthisurda okthuikhavai Jehovahna nali chihanra. (Laa 50:14; Hashokme 5:4, 5) Jehovahli otram mangatha̱khavai chipeena nali hapkhanora. (1 Peter 5:8) Kha seihā kasā eina vareli nganaichinglu. (Philippi 4:6, 7) Thangkachida āwui tuihi pāchinglu. (Laa 1:1-3) Congregationwuili nganaida leilu. (Hebrew 13:17) Hithāda sākha na vareli shitsangda leichingshapkhavai pangshap samphangra. Hithāda sākha ātam kachida na varewui ningkachāng chi sāshapra!

Shimli khalem eina Bible tamikhavai ning changla? Maning akha hiwui chungkhamei pao ningchangla? Jehovah wui shakhibing li khamashunga address hi eina kapimipaira. Addresses


* Rakahikwui maram theikhavaivāng Watch Tower Bible and Tract Societyna kaphong katang makhavai mirin samphangkhavai awor maningakha ngaraikachā lairik pāmikhavai chitheili.