Skip to content

Tau Fakamoli a Iehova

Fifili e vagahau Faka-Niue

Ko Hai Mooli kua Pule ke he Lalolagi?

Ko Hai Mooli kua Pule ke he Lalolagi?

Manatu kia a koe . . .

  • ko e Atua?

  • ko e tau tagata?

  • ko e taha tagata kehe?

 TALAHAU HE TOHI TAPU

“Ko e lalolagi oti ha he pule hana kua mahani kelea.”1 Ioane 5:19.

“Ne fakakite mai ai e Tama he Atua, kia moumou . . . e tau gahua he tiapolo.”1 Ioane 3:8.

KAKANO HE MENA IA MA HAAU

Tau fakamaamaaga kua tonu ma e tau lekua he lalolagi.Fakakiteaga 12:12.

Kakano ke talitonu ko e lalolagi ha tautolu to hiki ke he mitaki.1 Ioane 2:17.

 TALITONU MOOLI KIA A TAUTOLU KE HE MENA NE TALAHAU HE TOHI TAPU?

Ē, he tolu e kakano:

  • Kaumahala e pule ha Satani. Eketaha a Iehova ke fakaoti e pule ha Satani ke he tau tagata. Ne mavehe a ia ke “fakaoti ai e . . . tiapolo” mo e utakehe oti e tau lekua ne fakatupu e Satani.Heperu 2:14.

  • Fifili he Atua a Iesu Keriso ke pule ke he lalolagi. Kehe mamao a Iesu mai he tau pule favale mo e lotokai he lalolagi nei. Hagaao ke he tuaga patuiki ha Iesu, ne mavehe he Atua: “To fakaalofa a ia kia ia kua lolelole, mo ia kua nofogati . . . To laveaki e ia a lautolu mai he favale mo e mahani kelea.”Salamo 72:13, 14.

  • Nakai pikopiko e Atua. Ne talahau fakahako he Tohi Tapu: “Kua nakai maeke ke pikopiko ai e Atua.” (Heperu 6:18) Ka mavehe a Iehova ke taute taha mena, kua taute pihia ni e ia! (Isaia 55:10, 11) “To vega ainei e iki he lalolagi nai.”Ioane 12:31.

 KE MANAMANATU KI AI

To fēfē la e lalolagi ka mole e utakehe he pule ia?

Tali he Tohi Tapu e hūhū ia he SALAMO 37:10, 11 mo e FAKAKITEAGA 21:3, 4.