Skip to content

Tau Fakamoli a Iehova

Fifili e vagahau Faka-Niue

Fēfē e Onoonoaga Haau ke he Vahā Anoiha?

Fēfē e Onoonoaga Haau ke he Vahā Anoiha?

To maeke nakai e lalolagi ha tautolu ke . . .

  • tumau pihia?

  • holo ki mua e kelea?

  • holo ki mua e mitaki?

 TALAHAU HE TOHI TAPU

“To holoholo kehe he Atua e tau hihina mata oti mai he tau mata ha lautolu; ti nakai tuai fai mate, po ke fakatutuku, po ke tagi, ti nakai tuai fai matematekelea; ha kua mole atu e tau mena fakamua.”​—Fakakiteaga 21:3, 4.

KAKANO HE MENA IA MA HAAU

Gahua kakano lahi mo e makona.​—Isaia 65:21-23.

Nakai liu fai gagao po ke ha matematekelea.​—Isaia 25:8; 33:24.

Moui fiafia ne nakai fai fakaotiaga mo e magafaoa mo e tau kapitiga.​—Salamo 37:11, 29.

 TALITONU MOOLI KIA A TAUTOLU KE HE MENA NE TALAHAU HE TOHI TAPU?

Ē, he ua e kakano:

  • Iloa he Atua e puhala ke fakamooli e maveheaga. He Tohi Tapu, ko Iehova ko e Atua hokoia ne ui ko e “Atua mana,” ha kua ha ha ia ia e malolō nakai fai fakaotiaga. (Fakakiteaga 15:3) Ti maeke mooli a ia ke taofi ke he maveheaga haana ke hiki e lalolagi ha tautolu ke he mitaki. Tuga he talahau he Tohi Tapu, “maeke e tau mena oti ke he Atua.” ​—Mataio 19:26.

  • Ha ha he Atua e manako ke fakamooli e maveheaga. Ma e fakatai, manako lahi a Iehova ke liuaki e moui ke he tau tagata kua mamate.​—Iopu 14:14, 15.

    Fakakite foki he Tohi Tapu ko e Tama he Atua, ko Iesu ne fakamaulu e tau gagao. Taute pihia e ia he ha? Ha kua manako a ia. (Mareko 1:40, 41) Ne fakaata katoatoa e Iesu e aga he Matua haana ha ko e manako haana ke lagomatai a lautolu ne lata ke moua e lagomatai.​—Ioane 14:9.

    Ti maeke ia tautolu ke mauokafua ko Iehova mo Iesu ne manako ke lagomatai a tautolu ke moua e vahā anoiha kua fiafia!​—Salamo 72:12-14; 145:16; 2 Peteru 3:9.

 KE MANAMANATU KI AI

To hiki fēfē he Atua e lalolagi ke he mitaki?

Tali he Tohi Tapu e hūhū ia he MATAIO 6:9, 10 mo e TANIELU 2:44.