Skip to content

Tau Fakamoli a Iehova

Fifili e vagahau Faka-Niue

Fēfē e Onoonoaga Haau ke he Tohi Tapu?

Fēfē e Onoonoaga Haau ke he Tohi Tapu?

To pehē kia a koe . . .

  • ko e tohi he pulotu he tagata?

  • ko e tohi he tau tala fakatai mo e tau tala tuai?

  • ko e Kupu he Atua?

 TALAHAU HE TOHI TAPU

“Ko e tau Tohi Tapu oti kana mai he Agaga he Atua.”2 Timoteo 3:16.

KAKANO HE MENA IA MA HAAU

Tau tali makona ke he tau hūhū lalahi he moui.Tau Fakatai 2:1-5.

Takitakiaga mauokafua ma e moui he tau aho takitaha.Salamo 119:105.

Amaamanakiaga mooli ma e vahā anoiha.Roma 15:4.

 TALITONU MOOLI KIA A TAUTOLU KE HE MENA NE TALAHAU HE TOHI TAPU?

Ē, he tolu e kakano:

  • Felauaki tonu. Ne tohia e Tohi Tapu ke he molea e 1,600 tau he kavi ke he 40 e tagata kehekehe. Laulahi ia lautolu ne nakai feleveia. Ka ko e tohi katoa kua felauaki ai ke he taha e matakupu pauaki!

  • Fakamauaga tala moolioli. Ko e tau tagata fakamau tala tuai he lalolagi ne liga mafiti ke ufiufi e tau kaumahala he tau tagata ha lautolu. Kehe ai, ko e tau tagata tohia he Tohi Tapu ne fakamau fakamooli e tau kūkū fakatagata ha lautolu mo e he tau motu ha lautolu.2 Nofoaga he Tau Patuiki 36:15, 16; Salamo 51:1-4.

  • Perofetaaga mauokafua. Ne talahau tuai he Tohi Tapu e moumouaga he maaga i tuai ha Papelonia kavi ke he 200 tau. (Isaia 13:17-22) Nakai ni fakakite e puhala ka veli a Papelonia ka e pihia foki e higoa haana ka kautū ai!Isaia 45:1-3.

    Loga atu foki e tau perofetaaga he Tohi Tapu ne fakamooli ke hoko ke he tau vala tala ikiiki. Ka e nakai kia ko e mena ia ne amanaki a tautolu ke he Kupu he Atua?2 Peteru 1:21.

 KE MANAMANATU KI AI

Maeke fēfē e Kupu he Atua ke fakaholo ki mua e moui haau?

Tali he Tohi Tapu e hūhū ia he ISAIA 48:17, 18 mo e 2 TIMOTEO 3:16, 17.