Skip to content

Tau Fakamoli a Iehova

Fifili e vagahau Faka-Niue

To Fakaoti Nakai e Matematekelea?

To Fakaoti Nakai e Matematekelea?

To pehē kia a koe . . .

  • ē?

  • nakai?

  • liga?

 TALAHAU HE TOHI TAPU

“To holoholo kehe he Atua e tau hihina mata oti mai he tau mata ha lautolu; ti nakai tuai fai mate, . . . fakatutuku, po ke tagi, ti nakai tuai fai matematekelea.”Fakakiteaga 21:3, 4.

KAKANO HE MENA IA MA HAAU

Mauokafua kua nakai fakatupu he Atua e tau lekua ha tautolu.Iakopo 1:13.

Mafanatia he iloa kua maama he Atua e tau logonaaga ha tautolu ka matematekelea.Sakaria 2:8.

Amanaki to fakaoti e tau matematekelea oti.Salamo 37:9-11.

 TALITONU MOOLI KIA A TAUTOLU KE HE MENA NE TALAHAU HE TOHI TAPU?

Ē, he ua e kakano:

  • Vihiatia he Atua e matematekelea mo e nakai fakafili tonu. Manamanatu ke he puhala ne logona e Iehova ko e Atua he mogo ne favale ke he tau tagata haana he tau vahā Tohi Tapu. Ne pehē e Tohi Tapu kua tupetupe a ia ha ko “lautolu ne . . . fakamamahi atu kia lautolu.”Tau Fakafili 2:18.

    Ha ha he Atua e tau logonaaga malolō ki a lautolu kua fakahagahaga kelea e falu. Ma e fakatai, pehē e Tohi Tapu ko e “tau lima kua fakamaligi e toto he tagata nakai hala” kua vihiatia e ia.Tau Fakatai 6:16, 17.

  • Leveki he Atua a tautolu takitokotaha. Nakai ni takitaha e tau tagata oti mo e iloa “e malaia, mo e mamahi he tau loto ha lautolu” ka e iloa foki e Iehova!2 Nofoaga he Tau Patuiki 6:29, 30.

    Puhala he haana Kautu, to nakai leva ti fakaoti e Iehova e tau matematekelea he tau tagata takitaha. (Mataio 6:9, 10) Mogonei, ne hofihofi e fakamafana haana ki a lautolu kua kumi mooli ki a ia.Gahua 17:27; 2 Korinito 1:3, 4.

 KE MANAMANATU KI AI

Ko e ha ne fakaatā he Atua e matematekelea?

Tali he Tohi Tapu e hūhū ia he ROMA 5:12 mo e 2 PETERU 3:9.