Skip to content

Skip to table of contents

Tau Fakamoli a Iehova

Fifili e vagahau Faka-Niue

VALA 7

Liu Tu Mai ha Iesu ke he Tuku a Paulo he Fale Puipui

Liu Tu Mai ha Iesu ke he Tuku a Paulo he Fale Puipui

He aho ke toluaki he mole e mate ha Iesu, ne liu tu mai a ia. He aho ia ne lagalima e fakakite e ia a ia ke he tau tutaki haana. Ne matutaki a Iesu ke fakakite e ia a ia ki a lautolu ke he 40 e aho. Ti kitekite e falu tutaki haana, ka e hake a Iesu ke he lagi. Hogofulu e aho he mole ti liligi hifo he Atua e agaaga tapu ki luga he tau tutaki ha Iesu ne fakatali i Ierusalema.

Fai magaaho, ne tuku he tau fī he Atua e tau aposetolo ke he fale puipui, ka kua fakatokanoa he agelu a lautolu. Ne pinimaka he tau tagata totoko e tutaki ko Setefano. Ka kua iloa e tautolu e puhala ne fifili e Iesu e taha he tau tagata totoko nei ke eke mo fekafekau pauaki haana, ti eke a ia mo aposetolo ko Paulo. Ti tolu mo e hafa e tau he mole e mate ha Iesu, ne fakafano he Atua e aposetolo ko Peteru ke fakamatala ke he tagata ne nakai ko e Iutaia ko Konelio mo e magafaoa haana.

Kavi ke he 13 e tau he mole ne kamata a Paulo he fenoga fakamatala fakamua haana. He fenoga ke uaaki haana ne fakalataha a Timoteo mo Paulo. To fakaako a tautolu ke he loga he tau magaaho ne fiafia a Paulo mo e tau hoa faifano haana he fekafekau ke he Atua. Fakahiku ai, ne tuku a Paulo he fale puipui i Roma. Ua e tau he mole ne fakatokanoa a ia, ka kua liu foki a ia tuku he fale puipui mo e tamate a ia. Ko e tau mena tutupu he VALA 7 ne putoia ai e kavi ke he 32 e tau.

 

KE HE FAAHI NEI

TALA 102

Kua Moui a Iesu

He mole e utakehe he agelu e maka he tukuaga ha Iesu, ne ofomate e tau kau leoleo he mena ne kitia i loto.

TALA 103

Ki Loto he Poko ne Loka

Ko e ha ne nakai kitia he tau tutaki ha Iesu a ia he mole e liu tu mai?

TALA 104

Liu Atu a Iesu ke he Lagi

Ato haele atu a Iesu ke he lagi, ne tala age e ia e poakiaga fakahiku.

TALA 105

Kua Fakatali i Ierusalema

Ko e ha ne liligi hifo e Iesu e agaaga tapu ke he tau tutaki haana he Penetekoso?

TALA 106

Fakatokanoa Mai he Fale Puipui

Tuku he tau takitaki lotu Iutaia e tau aposetolo he fale puipui ke ua fakamatala, ka e fai mena foki e Atua ne amanaki ki ai.

TALA 107

Ne Pinimaka a Setefano

He tamate a Setefano, ne talahau e ia e liogi kehe lahi.

TALA 108

He Puhalatū ki Tamaseko

Ko e maama kikila lahi mo e leo mai he lagi ne hiki e moui ha Saulo.

TALA 109

Aahi Atu a Peteru ki a Konelio

Onoono kia e Atua ke he tau tagata he taha lanu po ke motu ke mua hake he falu?

TALA 110

Timoteo​—Ko e Lagomatai Foou ha Paulo

Ne toka e Timoteo e kaina ka e fano mo Paulo he fenoga fakamatala ne fiafia a ia ki ai.

TALA 111

Tama Taane ne Pulumohea

Mohe a Eutuko he lauga fakamua ha Paulo, ka e nakai mohe he lauga ke uaaki. Ko e mena ne tupu he vahāloto he ua e lauga ia ko e mana mooli.

TALA 112

Ne Pē e Toga he Aelani

He magaaho ne tuga kua nakai fai lagomataiaga foki, ne moua e Paulo e fekau mai he Atua ati malolō e amaamanakiaga haana.

TALA 113

Ko Paulo i Roma

Maeke fēfē ia Paulo ke taute e gahua haana ko e aposetolo he magaaho ne pagotā a ia?