Skip to content

Skip to table of contents

Tau Fakamoli a Iehova

Fifili e vagahau Faka-Niue

VALA 5

Fakapaea ki Papelonia ke he Liu Atihake he Tau Kaupā ha Ierusalema

Fakapaea ki Papelonia ke he Liu Atihake he Tau Kaupā ha Ierusalema

He fakapaea ki Papelonia, ne loga e tau kamatamata ke he tua he tau Isaraela. Ne tolo a Sataraka, Mesako mo Apetiniko ke he gutuumu he afi kakā, ka e tamai he Atua a lautolu ki fafo kua momoui. Fai magaaho he mole e kaumahala a Papelonia he tau Metai mo e tau Peresia, ne liti a Tanielu ke he ana leona, ka kua puipui foki he Atua a ia he pāpā e tau gutu he tau leona.

Fakahiku, ne fakatoka noa he patuiki ha Peresia ko Kuresa e tau Isaraela. Ne liliu a lautolu ke he motu ha lautolu he mole ai e 70 e tau he uta fakapaea a lautolu ki Papelonia. Taha he tau mena fakamua ne taute e lautolu he mogo ne liliu ai ki Ierusalema ko e kamata ke talaga e faituga ha Iehova. Ka e nakai leva ti taofi he tau fī e gahua ha lautolu. Ti kavi ke he 22 e tau he mole e liliu atu ha lautolu ki Ierusalema ne mau ai e faituga he taute.

Taha vala foki, to fakaako a tautolu hagaao ke he fenoga ha Esera he liu ki Ierusalema ke fakafulufuluola e faituga. Ko e kavi ke he 47 e tau anei he mole e mau he faituga. Ti 13 e tau he mole e fenoga ha Esera, ko Nehemia ne lagomatai ke liu atihake e tau kaupā ha Ierusalema ne malona. Putoia ke he Vala LIMA ko e 152 e tau tau he fakamauaga tuai ke hoko ke he mogonei.

 

KE HE FAAHI NEI

TALA 77

Nakai Fakaveveli Fakafohifo a Lautolu

To fakahao nakai he Atua e tau fuata tokotolu ne mahani omaoma, mai he gutuumu kakā?

TALA 78

Tohi Lima he Kaupā

Ne fakakakano he perofeta ko Tanielu e tau kupu galo ne fā.

TALA 79

Tanielu i Loto he Ana Leona

Moua e Tanielu e fakahala ke mate, ka e maeke nakai a ia ke kalo ke ua fakahala?

TALA 80

Toka he Tau Tagata he Atua a Papelonia

Fakamooli he Patuiki ko Kuresa e perofetaaga he magaaho ne moua e ia a Papelonia, ti fakamooli foki e ia taha perofetaaga mogonei.

TALA 81

Falanaki ke he Lagomatai he Atua

Ne nakai omaoma e tau Isaraela ke he tau fakatufono he tagata ke maeke ke omaoma ke he Atua. To fakamonuina nakai he Atua a lautolu?

TALA 82

Moretikai mo Eseta

Fulufuluola e Patuiki Fifine ko Vasati, ka e hukui agaia he Patuiki ko Ahasueru a ai aki a Eseta, ko e patuiki fifine foou haana. Ko e ha?

TALA 83

Ko e Tau Kaupā ha Ierusalema

He talaga e kaupa, ne lata e tau tagata gahua ke ha ha tumau mo lautolu e tau pelu mo e tau tao ke mautali he aho mo e pō.