Skip to content

Skip to table of contents

Tau Fakamoli a Iehova

Fifili e vagahau Faka-Niue

VALA 4

Patuiki Fakamua ha Isaraela ke he Fakapaea ki Papelonia

Patuiki Fakamua ha Isaraela ke he Fakapaea ki Papelonia

Ko Saulo ne eke mo patuiki fakamua ha Isaraela. Ka e tiaki e Iehova a ia, ti fifili a Tavita ke eke mo patuiki ke hukui aki a ia. Loga e tau mena ka iloa e tautolu hagaao ki a Tavita. He vahā fuata, ne tau atu a ia ke he tupua ko Koliato. Fai magaaho he mole ne hola a ia mai he patuiki mahekeheke ko Saulo. Ti ko e fifine mata fulufuluola ko Apikaila ne taofi a ia mai he taute e mena goagoa.

Fakaako foki a tautolu ke he tau mena loga hagaao ke he tama ha Tavita ko Solomona, ne hukui a Tavita ko e patuiki a Isaraela. Ko e tau patuiki tokotolu fakamua ha Isaraela ne igatia ai mo e pule ke he 40 e tau. He mole e mate ha Solomona, ne vevehe a Isaraela ke he ua e kautu, ko e kautu he faahi toga mo e faahi tokelau.

Ne tū e kautu he magafaoa toko 10 he faahi tokelau ke he 257 e tau ato moumou he tau Asuria. Ti 133 e tau he mole, ne moumou foki e kautu he magafaoa ne ua he faahi toga. Ko e magaaho nei ne uta fakapaea ai e tau Isaraela ki Papelonia. Ti ko e Vala FĀ kua 510 e tau ne putoia ai he fakamauaga tuai, ti loga e tau mena ofoofogia ne tutupu he magahala ia ka kitia e tautolu.

 

KE HE FAAHI NEI

TALA 56

Saulo​—Ko e Patuiki Fakamua ha Isaraela

Maeke a tautolu ke fakaako mai ia Saulo he magaaho ne fifili fakamua he Atua a ia mo e magaaho ne nakai talia he Atua a ia.

TALA 57

Fifili he Atua a Tavita

Ko e heigoa ne kitia he Atua ia Tavita ka e nakai kitia he perofeta ko Samuela?

TALA 58

Tavita mo Koliato

Tau atu a Tavita ki a Koliato, nakai mo e filo ka e mua atu e malolō he kanavaakau haana.

TALA 59

Kakano kua Lata a Tavita ke Hola

Ne fiafia a Saulo ki a Tavita he magaaho fakamua, ka e ita lahi mahaki a ia ke fia tamate a Tavita he fai magaaho he mole. Ko e ha?

TALA 60

Apikaila mo Tavita

Fakahigoa e Apikaila e taane haana ko e tagata mahani goagoa, ti fakahao fakakū he mena nei e moui ha Napalu.

TALA 61

Kua Faka-Patuiki a Tavita

Ne fakakite e Tavita kua lata mooli a ia ke patuiki ki Isaraela ha ko e tau gahua ne taute e ia mo e tau mena ne nakai talia e ia ke taute.

TALA 62

Matematekelea he Magafaoa ha Tavita

He taha ni e hehē ha Tavita, ne tamai e ia e matematekelea lahi ki a ia ni mo e magafaoa haana ke he loga e tau tau.

TALA 63

Patuiki Iloilo ko Solomona

Ne taute mooli kai a Solomona ke iihi ua e tama mukemuke?

TALA 64

Tālaga e Solomona e Faituga

Pete he iloilo lahi a Solomona, ne fakaohooho ki a ia ke taute e tau mena hepe.

TALA 65

Kua Mavehevehe e Kautu

He nakai leva e patuiki a Ierepoamo, ne takitaki e ia e tau tagata ke moumou e tau fakatufono he Atua.

TALA 66

Iesepela​—Ko e Patuiki Fifine Kelea

Nakai maeke ke taofi a Iesepela he lali a ia ke moua e tau mena ne loto a ia ki ai.

TALA 67

Falanaki a Iehosafata ki a Iehova

Ko e ha e kautau ne o ke latau ka e nakai fai kanavaakau e tau tagata uhu lologo ne mumua ke takitaki e hala?

TALA 68

Tokoua e Tama Taane ne Liu Momoui

Fai tagata nakai ne kua mate ti maeke ke liu moui? Fai ne pihia he magaaho fakamua!

TALA 69

Lagomatai he Tama Fifine e Toa Malolō

Loto malolō a ia ke vagahau hake, ti ko e mana e fua ne tupu mai ai.

TALA 70

Ko Iona mo e Ika Lahi

Iloa e Iona e fakaakoaga aoga hagaao ke he taute e mena ne talahau e Iehova.

TALA 71

Mavehe e Atua ke he Parataiso

Na tote e parataiso fakamua; ka ko e parataiso nei to kaputia e lalolagi katoa.

TALA 72

Lagomatai he Atua e Patuiki ko Hesekia

Ke he taha ni e pō, ne tamate he taha e agelu toko 185,000 kautau Asuria.

TALA 73

Patuiki Mitaki Fakahiku ha Isaraela

He fuata mui agaia a Iosia, ne taute e ia e lakaaga loto malolō.

TALA 74

Ko e Tagata ne Nakai Matakutaku

Manatu a Ieremia kua tote lahi a ia ke eke mo perofeta, ka e iloa he Atua e mena kua maeke a ia ke taute.

TALA 75

Tokofā e Tama Taane i Papelonia

Ne kautū a lautolu pete kua nonofo kehe mai he tau magafaoa ha lautolu.

TALA 76

Kua Moumou a Ierusalema

Ko e ha ne fakaatā he Atua e tau fī, ko e tau Papelonia, ke moumou a Ierusalema?