Skip to content

Skip to table of contents

Tau Fakamoli a Iehova

Fifili e vagahau Faka-Niue

VALA 2

Ko e Fakapuke ke he Laveakiaga Mai i Aikupito

Ko e Fakapuke ke he Laveakiaga Mai i Aikupito

Tokovalu ne tagata ne hao mai he Fakapuke, ka e fai magaaho ti malikiti hake e numera ke totou afe. Ti 352 e tau he mole e Fakapuke ti fanau a Aperahamo. Iloa e tautolu e Atua ne fakamooli haana maveheaga ke age ki a Aperahamo e tama taane ne higoa ko Isaako. Ti mai he tau tama taane tokoua ha Isaako, ne fifili he Atua a Iakopo.

Lahi e magafaoa a Iakopo, ko e 12 e tama taane mo e fai tama fifine foki. Kua vihiatia he tau fanau taane toko 10 e tehina ha lautolu ko Iosefa ti fakafua atu a ia ke fakatupa ki Aikupito. Magaaho fakamui, ne eke a Iosefa mo taha takitaki lahi i Aikupito. Ko e magaaho ne to ai e hoge lahi, ne kamatamata e Iosefa haana tau lafu ke kitia kua hiki nakai ha lautolu a tau loto. Fakahiku, ti hiki e magafaoa katoa a Iakopo ko e tau Isaraela ki Aikupito. Tupu e mena nei he 290 e tau he mole e fanau a Aperahamo.

Ke he 215 e tau i mua ne nonofo e tau Isaraela i Aikupito. Mole e mate a Iosefa ti eke a lautolu mo tau fekafekau i ai. Fai magaaho ti fanau a Mose, ti fakaaoga he Atua a ia ke laveaki e tau Isaraela mai i Aikupito. Ko e katoatoa ko e 857 e tau ne putoia ke he fakamauaga tuai he Vala UA.

 

KE HE FAAHI NEI

TALA 11

Ko e Tagaloa Fakamua

Ka kitia e koe e tagaloa, ko e heigoa kua lata ia koe ke manatu?

TALA 12

Tā he Tau Tagata e Kolo Tokoluga

Nakai fiafia e Atua ti lauia agaia e tau tagata he vahā nei he fakahala ne tuku age he Atua.

TALA 13

Aperahamo​—Ko e Kapitiga he Atua

Ko e ha ne toka e Aperahamo e kaina mitaki haana ti fano ke nofo he tau fale ie ke he moui katoa haana?

TALA 14

Kamatamata he Atua e Tua ha Aperahamo

Ko e ha ne ole e Atua ki a Aperahamo ke poa e tama taane haana ko Isaako?

TALA 15

Ne Haga ki Tua e Hoana ha Lota

Kua uho lahi e fakaakoaga kua moua mai e tautolu he mena taute e ia.

TALA 16

Moua e Isaako e Hoana Mitaki

Ko e ha ati eke a Repeka mo hoana mitaki? Ko e mata fulufuluola kia haana po ke fai mena foki?

TALA 17

Tau Mahaga ne Kehekehe

Ko e matua taane ha laua ko Isaako ne ofania lahi a Esau, ka e ofania lahi he matua fifine ha laua ko Repeka a Iakopo.

TALA 18

Fano a Iakopo ki Karana

Mau a Iakopo mo Lea pete ko Rahela ne loto fakavihi a ia ki ai.

TALA 19

Lahi e Magafaoa ha Iakopo

Fakahigoa kia e magafaoa 12 ha Isaraela aki e tau fanau 12 ha Iakopo?

TALA 20

Matematekelea a Tina

Kamata oti e tau mena nei ha ko e hepe e tau kapitiga.

TALA 21

Vihiatia he Lafu ha Iosefa a Ia

Ko e heigoa ati manako falu lafu ke tamate e matakainaga ni ha lautolu?

TALA 22

Tuku a Iosefa he Fale Puipui

Tuku a Iosefa he fale puipui, nakai ha ko e moumou e ia e matafakatufono, ka kua taute e ia e mena hako.

TALA 23

Tau Miti ha Farao

Fai mena ne tatai e fitu e povi mo e fitu e huki saito.

TALA 24

Kamatamata e Iosefa Haana Lafu

Iloa fēfē e ia kua hiki mooli a lautolu tali mai he fakafua e lautolu a ia ke eke mo tupa?

TALA 25

Hiki e Magafaoa ki Aikupito

Ko e ha e magafaoa ha Iakopo ne fakahigoa ai ko e tau Isaraela ka e nakai ko e tau tagata Iakopo?

TALA 26

Tua a Iopu ke he Atua

Galo e tau monuina ha Iopu, gagao foki a ia, mo e mamate oti e tau tama haana. Kua fakahala kia he Atua a ia?

TALA 27

Pule e Patuiki Kelea ki Aikupito

Ko e ha ne tala age e Patuiki ke he tau tagata haana ke tamate oti e tau tama taane he tau Isaraela?

TALA 28

Puhala ne Fakahao e Tama Mukemuke ko Mose

Moua he matua fifine ha Mose e puhala kalo mai ke he matafakatufono ke tamate oti e tau tama mukemuke taane he tau Isaraela.

TALA 29

Kakano ne Hola Ai a Mose

Manatu a Mose kua latatonu a ia ke fakahao e tau Isaraela he magaaho ne 40 e tau moui haana, ka e nakai pihia.

TALA 30

Ko e Akau kua Puho

Ne fakaaoga he Atua e tau mana loga ke tala age ki a Mose kua hoko mai tuai e magaaho ke takitaki e ia e tau Isaraela mai i Aikupito.

TALA 31

Kitia e Mose mo Arona a Farao

Ko e ha ne nakai fanogonogo a Farao ki a Mose mo e ke fakatoka e tau Isaraela?

TALA 32

Tau Malaia ne 10

Fakahoko he Atua e tau malaia ne 10 ki Aikupito, kakano ni ha kua nakai mahalo e pule ha Aikupito ko Farao ke fakatoka e tau Isaraela ke ō.

TALA 33

Ō ke he Taha Faahi he Tahi Kula

Mose ne vevehe ua e Tahi Kula ha ko e malolō he Atua. O atu e tau Isaraela he hala toka mōmō.