Skip to content

Skip to table of contents

Tau Fakamoli a Iehova

Fifili e vagahau Faka-Niue

VALA 1

Tufugatia ke he Fakapuke

Tufugatia ke he Fakapuke

Mai i fe e lagi mo e lalolagi? Tupu mai fēfē e laā, mahina mo e tau fetu, mo e falu mena loga foki he lalolagi? Foaki mai he Tohi Tapu e tali mooli he magaaho ne pehē kua tufugatia ai he Atua. Ti kamata ai ha tautolu a tohi ke he tau tala Tohi Tapu hagaao ke he tufugatia.

Ko e tau tufugatia fakamua he Atua kua iloa e tautolu, ko e tau mena fakaagaaga tuga ni a ia. Ko e tau agelu a lautolu. Ka ko e lalolagi kua tufugatia ke lata mo e tau tagata tuga a tautolu. Ti tufuga he Atua e tagata taane mo e tagata fifine ne fakahigoa ko Atamu mo Eva ti tuku a laua he katene fulufuluola. Ka kua liuliu a laua ke he Atua ati galo ai e tonuhia ke momoui.

Ko e katoatoa, tali mai he tufugatia a Atamu ke he Fakapuke lahi, ko e 1,656 e tau tau. Tokologa e tagata kelea ne momoui he magahala nei. Ke he lagi, ha ha i ai e tau mena momoui fakaagaaga nakai kitia, ko Satani mo e tau agelu kelea haana. He lalolagi, ha i ai a Kaino mo e tokologa he tau tagata kelea, fakalataha ki ai foki e tau tagata taane malolō makimaki. Ka e ha ha i ai foki e tau tagata mitaki he lalolagi​—ko Apelu, Enoka mo Noa. He Vala TAHA to totou a tautolu hagaao ke he tau tagata nei mo e tau mena tutupu.

 

KE HE FAAHI NEI

TALA 1

Kamata e Atua ke Tufuga e Tau Mena

Kua maama mo e fuluola e tala he Kenese ke he tufugatia​—to pihia foki ke he tau fanau.

TALA 2

Ko e Katene Fulufuluola

Hagaao ke he Kenese, ne taute he Atua e katene ko Etena ko e matakavi pauaki. Manako e Atua ke fulufuluola pihia e lalolagi katoa.

TALA 3

Ko e Tagata Taane mo e Fifine Fakamua

Tufuga he Atua a Atamu mo Eva ti tuku a laua he kaina ko Etena. Ko laua e hoa mau fakamua.

TALA 4

Kakano ne Galo e Kaina ha Laua

Tala mai he tohi ha Kenese he Tohi Tapu ki a tautolu e galoaga he parataiso ne tufugatia he kamataaga.

TALA 5

Kamata e Moui Uka

He haia i tua he kaina ko Etena, ne fehagai a Atamu mo Eva mo e loga e tau lekua. Ane mai omaoma a laua ke he Atua, to fiafia e moui ha laua mo e tau fanau ha laua.

TALA 6

Ko e Tama Mitaki mo e Tama Kelea

Ko e tala ki a Kaino mo Apelu, ne fakamau he Kenese, kua fakaako mai ki a tautolu kua lata a tautolu ke eke mo tau tagata fēfē​—mo e ko e heigoa e tau mahani kua lata ke hiki ato to mui lahi.

TALA 7

Ko e Tagata Taane Loto Malolō

Fakakite mai he fakafifitakiaga ha Enoka na maeke a koe ke taute e mena hako, pete ka taute he tau tagata ne takatakai ia koe e tau mena kelea.

TALA 8

Tau Tupua he Lalolagi

Tala mai he Kenese veveheaga 6 hagaao ke he tau tupua po ke tau tagata makimaki ne fakamamahi e tau tagata. Ko e tau tupua ia ne fakahigoa ko e tau Nefalimi, ko e tau fanau he tau agelu ne kaumahala ti toka e lagi mo e o hifo mai ti momoui ko e tau tagata.

TALA 9

Tā e Noa e Vaka

Momoui a Noa mo e magafaoa haana he Fakapuke ha kua omaoma a lautolu ke he Atua pete he nakai omaoma e tau tagata.

TALA 10

Ko e Fakapuke Lahi Mahaki

Ne fekī e tau tagata ke he hatakiaga ha Noa. Ka e nakai fekī a lautolu he to lahi e uha mai he lagi ti puke lahi ai! Fakaako ke iloa e puhala ne momoui a Noa mo e magafaoa haana, mo e loga e tau manu he huhū he vaka.