Skip to content

Skip to table of contents

Tau Fakamoli a Iehova

Fifili e vagahau Faka-Niue

Ko e Tau Temoni ne Fakaohooho e Totokoaga ke he Atua

Ko e Tau Temoni ne Fakaohooho e Totokoaga ke he Atua

Ko e falu he tau aga fakamotu kua fakavē ni ke he pikopiko, na maeke e tau tagata mamate ke kitia a tautolu

Ka ko e ha a Satani mo e haana tau temoni kua gahua malolō ai ke fakahēhē ai e tau tagata? Ko e kakano ha kua manako a lautolu ke lafi atu a tautolu ke he ha lautolu a totokoaga. Kua manako a lautolu ke tapuaki a tautolu ki a lautolu. Kua manako a lautolu ke tali tonu a tautolu ke he ha lautolu a tau pikopiko mo e ke taute e tau mena ne nakai manako a Iehova ki ai. Ko e loga he tau tauteaga mena nei kua putoia ai mo e tau aga fakamotu ne matutaki ke he tau tagata mamate.

Ko e mate he taha fakahelehele ko e mena ke mamahi lahi ai e manamanatuaga ti ko e mena fa mahani mo e kua hagahaga mitaki ke fakakite e momoko. Mole atu he mate haana kapitiga ko Lasalo, “Kua tagi a Iesu.”—Ioane 11:35.

Kua loga lahi e tau aga fakamotu ne fio fakalataha mo e mate, mo e fekehekeheaki e tau aga nei he lalolagi katoa. Loga ne tatai mo e tau fakatonuaga he Tohi Tapu. Ko e falu he tau tauteaga mena, kua fakavē ni ke he manatu pehē, na momoui e tau tagata mamate mo e maeke ke kitia e tau tagata momoui. Ko e tau alaala, kua nakai taofi e momoko, mo e ko e tau fakalilifuaga ke he tau tauteaga mauku ko e tau vakavaka oti he matakutaku neke nakai fakafiafia e tau agaaga he tau tagata mamate. Ha ko e tau tagata mamate kua “nakai iloa e lautolu ha mena,” ti ko lautolu ne fa e taute e tau mena pihia ko e fakatolomaki ni he pikopiko ha Satani.—Fakamatalaaga 9:5.

Ko e falu he tau aga fakamotu kua fakavē ke he pikopiko, na manako e tau tagata mamate ke he lagomataiaga ha tautolu

 Ko e falu he tau aga fakamotu po ke tau fakalilifuaga kua tupu hake ni mai he tali tonu kua manako lagomatai e tau tagata mamate mai he tau tagata momoui, mo e to fakapakia e lautolu e tau tagata momoui ka nakai fakatautonu a lautolu. Ko e falu a motu ne taute e tau faiaga galue mo e tau poa ke 40 e aho po ke taha e tau ka mole atu e mate he tagata. Kua taute pauaki e mena nei ke lagomatai aki e tagata ne mate ke ‘laka atu’ ke he kautu agaaga. Ko e taha tauteaga mahani mau foki ko e foaki e tau mena kai mo e tau mena inu ke he tau tagata mamate.

Ko e tau mena nei kua hehē lahi ko e kakano ha ko e fakatolomaki ni he tau pikopiko ha Satani hagaao ke he tau tagata mamate. To talia nakai e Iehova kaeke ke kau atu a tautolu mo e tau aga fakamotu ne fakaaue ke he tau fakaakoaga he tau temoni? Nakai fakaai!—2 Korinito 6:14-18.

Ko e tau fekafekau mooli he Atua kua nakai fai fekau ke he tau tauteaga ne lagomatai ke he tau pikopiko ha Satani. Ka kua lata, ke hagaao mo e fakaalofa a lautolu ke lagomatai mo e fakamafana e tau tagata momoui. Na iloa e lautolu ko e magaaho ke mole kehe e tagata, ko Iehova ni ke lagomatai e tagata ia.—Iopu 14:14, 15.

 Vihiatia he Atua e Agaaga Talahau Tuai

Ko e falu a tagata kua fakatuuta mo e tau temoni fakahako po ke puhala mai ni he tau taulatua. Kua fakahigoa e mena nei ko e agaaga talahau tuai. Ko e mana he tagata uli, taulatua, lagatau mana, talahauaga monuina, mo e kumi ke he tau tagata mamate ko e tau lālā oti he agaaga talahau tuai.

Kua totoko he Atua e tau mena kelea nei. Kua talahau e ia a ia ko e ita tafua.—Esoto 20:5

Kua vihiatia he Tohi Tapu e tau mena nei, kua pehē mai: “Aua neke kitia ia koe taha . . . kua talahau mena he kitekite ke he tau aolagi, po ke taha kua kumi ke he tau fakamailoga, po ke taha taulatua, Po ke tagata fakavai gata, po ke taha kua kumi ke he tau atua, po ke taha ne ha i ai e tau agaaga talahau tuai, po ke taha kua kumi atu kia lautolu ne mamate. Ha kua vihiatia e Iehova a lautolu oti kua eke e tau mena ia.”—Teutaronome 18:10-12.

Ko e ha kua poaki fakamalolō mai ai a Iehova ki a tautolu ke totoko e tau tauteaga nei?

 Ma e monuina ma tautolu ni, kua poaki e Iehova ki a tautolu ke totoko e tau lālā oti he tau agaaga talahau tuai. Kua fakaalofa mo e leveki e ia e tau tagata, mo e iloa e ia ko lautolu ne fio mo e tau temoni to hoko ni ki a lautolu e mamahi.

Taha e tagata pihia ko Nilda, ko ia ko e taulatua i Pasili. Ne taute fakakelea he tau temoni e moui haana. Kua talahau he fifine nei: “Ko e tau agaaga . . . ne moua e lautolu au, mo e uta fano e lautolu au. Ne hoko au ke he tuaga nimo mo e galo e manamanatuaga mo e moua he tau mena vihi ko e gagao hufia he tau agaaga kelea. Ne fakahala fakalahi he tau temoni au ti hoko e kelea ke he haaku a tau hoko toto. Ne fakaaoga e au e tau vai fakaligo mo e kamata ke inu mo e ula tumau. Ne fano fakahaga e mena nei ke he tau tau loga.”

Ko lautolu ne taute e tau mena he tau agaaga talahau tuai kua fa fakahiku kelea tumau ni. Kua galo ha lautolu a tau kaina, ha lautolu a atāina, ti pihia foki ke hoko ke he ha lautolu a tau momoui

Ko e falu a magaaho ha ko e lagomataiaga ha Iehova mo e haana Tau Fakamoli he lalolagi, kua nofo atāina a Nilda mai he tau temoni ne hufia ai a ia ti kua nofo a ia he magaaho nei mo e moui muhu koloa mo e moui kua katoatoa. Kua pehē a ia: “Kua lagomatai atu e au e tau tagata oti ke aua neke fio fakalataha mo e ha mena taha he tau agaaga [kelea].”