Skip to content

Skip to table of contents

Tau Fakamoli a Iehova

Fifili e vagahau Faka-Niue

Ko e Lalolagi Parataiso

Ko e Lalolagi Parataiso

Ko Iehova ka vetevete oti e ia e tau kelea ne taute e Satani. Kua taute e Iehova a Iesu mo Patuiki he lalolagi katoatoa. I lalo hifo he haana a pule, to taute ai e lalolagi mo parataiso.—Tanielu 7:13, 14; Luka 23:43.

Kua mavehe mai e Iehova e tau mena nei:

  • TO LOGA E TAU MENA KAI: “Kua fua mai he kelekele hana tau fua; ko e Atua, ko e ha mautolu a Atua kua fakamonuina mai e ia a mautolu.” “To ha i ai e puke . . . he tau saito ke he motu, ki luga he fuga mouga; to gatiti ai hana tau fua.”—Salamo 67:6; 72:16.

  • TO NAKAI LIU TAU FOKI: “Ati o mai a, kia kitekite ke he tau gahua a Iehova, ko ia kua moumou e tau mena ke he lalolagi, Kua fakahiku e ia e tau ato hoko ke he fakatulakiaga he lalolagi.”—Salamo 46:8, 9.

  • TO NAKAI FAI TAGATA KELEA: “Ha ko e mena fakaotioti a lautolu kua mahani kelea; . . . Toe tote, ti nakai ha i ai e tagata mahani kelea; ka manamanatu foki a koe ke he mena hana ne nofo ai, nakai ha i ai a ia.”—Salamo 37:9, 10.

  •  TO NAKAI FAI GAGAO, MOMOKO, PO KE MATE: “Ti fakaala ai e tau mata he tau tagata mata pouli, to logona foki he tau teliga he tau tagata teliga tuli; Ti hopohopo ai e tagata kulikuli tuga ne aila, to kalaga fiafia foki e alelo he tagata kuhukuhu.”—Isaia 35:5, 6.

    “To ha ia lautolu e Atua ni, . . . To holoholo kehe he Atua e tau hihina mata oti mai he tau mata ha lautolu; ti nakai tuai fai mate, po ke fakatutuku, po ke tagi, ti nakai tuai fai matematekelea; ha kua mole atu e tau mena fakamua.”—Fakakiteaga 21:3, 4.

Ti nakai tuga a Satani mo e tau temoni, kua nakai pikopiko a Iehova. Ko e tau mena oti ne mavehe mai e ia to fakamooli ni. (Luka 1:36, 37) Kua fakaalofa a Iehova ki a koe mo e manako a ia ke nofo a koe he Parataiso ka taute e ia. Ti matutaki ke he Tau Fakamoli a Iehova ke fakaako fakalahi e kupu fulufuluola mooli ne moua he kupu he Atua. Kaeke ke fakagahua e koe e kupu mooli ke he moui haau, to toka noa a koe mai he liliaga ke he mahani pikopiko, matakutaku teao, mo e nakai fai lotomatala. To hoko e magaaho, ke vevete ai a koe mai he liliaga he hala mo e mate. Tuga ne pehē mai a Iesu: “To iloa foki e mutolu e mena moli, ko e mena moli foki ke toka noa ai a mutolu.”—Ioane 8:32.