Skip to content

Skip to table of contents

Tau Fakamoli a Iehova

Fifili e vagahau Faka-Niue

 FAKAAKOAGA 4

Ko Hai a Iesu Keriso?

Ko Hai a Iesu Keriso?

1. Kamata fēfē e moui ha Iesu?

Ko e heigoa e tau aga ne taute a Iesu ke mukamuka ke o atu ki ai?​—MATAIO 11:29; MAREKO 10:13-16.

Nakai tuga e falu tagata, ne moui a Iesu he lagi ko e mena fakaagaaga ato fanau a ia ke he lalolagi. (Ioane 8:23) Ko ia ko e tufugatia fakamua he Atua, ti lagomatai e ia he tufuga e tau mena oti kana. Ko ia ni ne tufuga e Iehova ti ko e mena ia kua latatonu ke fakahigoa ko e Tama “fuataha” he Atua. (Ioane 1:14) Ne eke a Iesu mo Gutuvagahau he Atua, ti fakahigoa foki a ia ko e “Loko.”​—Totou Tau Fakatai 8:22, 23, 30; Kolose 1:15, 16.

2. Ko e ha ne hau a Iesu ke he lalolagi?

Ne fakafano mai he Atua e Tama haana ke he lalolagi he hiki e moui haana mai he lagi ke he manava he tamafine tote Iutaia ne higoa ko Maria. Ti nakai fai matua taane mooli a Iesu. (Luka 1:30-35) Ne hau a Iesu ke he lalolagi (1) ke fakaako e kupu mooli hagaao ke he Atua, (2) ke fakatoka e fifitakiaga ke he puhala ke taute e finagalo he Atua pete he lauia a tautolu he tau mena uka, mo e (3) ke foaki e moui mitaki katoatoa haana “mo lukutoto.”​—Totou Mataio 20:28.

3. Ko e ha kua lata a tautolu ma e lukutoto?

Ko e lukutoto ko e totogi ke fakatokanoa mai e tagata he tuaga mate. (Esoto 21:29, 30) Ko e mate mo e fuakau ne nakai ko e vala he finagalo fakamua he Atua ma e tau tagata. Iloa fēfē e tautolu e mena ia? Ne tala age e Atua ke he tagata taane fakamua ko Atamu, kaeke ke taute e ia e mena ne fakahigoa he Tohi Tapu ko e “hala,” to mate a ia. Ane mai nakai agahala a Atamu, to ai mate a ia. (Kenese 2:16, 17; 5:5) Hagaao ke he Tohi Tapu, kua “hoko mai” e mate ke he tau tagata he lalolagi puhala ia Atamu. Ti kua fakaholo hifo e Atamu ke he tau hologa oti kana haana e agahala  ti fakahala ai, mo e mate. Kua lata a tautolu ma e lukutoto ke fakatokanoa mai a tautolu he fakahala he mate ne moua e tautolu mai ia Atamu.​—Totou Roma 5:12; 6:23.

Ko hai ka totogi e lukutoto ke fakatokanoa mai a tautolu he mate? Ka mamate a tautolu, kua totogi e tautolu e fakahala ke lata ni mo e tau agahala ha tautolu. Nakai fai tagata agahala ka totogi e tau agahala he falu.​—Totou Salamo 49:7-9.

4. Ko e ha ne mate a Iesu?

Nakai tuga a tautolu, ne mitaki katoatoa a Iesu. Ti nakai lata a ia ke mate ma e tau agahala haana​—ha kua nakai fai a ia ne taute. Ka e, mate a Iesu ma e tau agahala he falu. Ne fakakite he Atua e fakaalofa ue atu ma e tau tagata he fakafano mai e Tama haana ke mate ma tautolu. Ne fakakite foki e Iesu e fakaalofa ki a tautolu he omaoma ke he Matua haana mo e foaki e moui haana ma e tau agahala ha tautolu.​—Totou Ioane 3:16; Roma 5:18, 19.

Kitekite e vitiō Ko e Ha ne Mate a Iesu?

5. Ko e heigoa ha Iesu hane taute mogonei?

He nofo he lalolagi, ne fakamaulu e Iesu e tau tagata gagao, fakatū mai a lautolu ne mamate, mo e laveaki e tau tagata he tau mena uka. Ti ko e mena ia ne fakatātā e ia e mena ka taute e ia he vahā anoiha ma e tau tagata oti ne omaoma. (Mataio 15:30, 31; Ioane 5:28) He mole e mate ha Iesu, ne fakaliu tu mai he Atua a ia ke he moui ko e mena moui fakaagaaga. (1 Peteru 3:18) Ne leo a Iesu he faahi matau he Atua ato age e Iehova e malolō ki a ia ke pule ko e Patuiki ke he lalolagi katoa. (Heperu 10:12, 13) Ko Iesu mogonei hane pule ko e Patuiki he lagi, mo e tau tutaki haana hane fakailoa e tala mitaki ke he lalolagi katoa.​—Totou Tanielu 7:13, 14; Mataio 24:14.

Nakai leva, to fakaaoga e Iesu e malolō haana ko e Patuiki ke tamai e fakaotiaga ke he tau matematekelea oti kana mo lautolu kua fakatupu ai. Ko lautolu oti kua fakagahuahua e tua ki a Iesu he omaoma ki a ia to fiafia e moui he parataiso he lalolagi.​—Totou Salamo 37:9-11.