Skip to content

Skip to table of contents

Tau Fakamoli a Iehova

Fifili e vagahau Faka-Niue

 FAKAAKOAGA 14

Tiaki he Tau Kapitiga he Atua e Mena Kelea

Tiaki he Tau Kapitiga he Atua e Mena Kelea

Kamatamata e Satani e tau tagata ke taute e tau mena kelea. Ko e tagata kua manako ke kapitiga mo e Atua kua lata ke fakavihia e tau mena ne vihiatia e Iehova. (Salamo 97:10) Ko e falu mena hanei ne tiaki he tau kapitiga he Atua:

Tau agahala mahani fakatane mo e fifine. “Aua neke faivao a koe.” (Esoto 20:14) Kua hepe foki ke taute e mahani fakatane mo e fifine ato hoko e fakamauaga.—1 Korinito 6:18.

Konahia. Ko ‘lautolu kua konahia nakai moua e lautolu nā e kautu he Atua.’—1 Korinito 6:10.

Kelipopo, Fakatotama. “Aua neke kelipopo tagata a koe.”—Esoto 20:13.

Kaiha. “Aua neke kaiha a koe.”—Esoto 20:15.

Pikopiko. Vihiatia e Iehova “e alelo pikopiko.”—Tau Fakatai 6:17.

 Favale mo e Ita Nakai Tautaofi. ‘Kua vihiatia e [Iehova] e tagata kua fiafia ke he favale.’ (Salamo 11:5) ‘Kua maliali foki e tau gahua he tino [kua putoia ai] e vale.’—Kalatia 5:19, 20.

Pele Tupe. ‘Aua neke feoaki mo e tagata velevele koloa pihia.’—1 Korinito 5:11.

Tau Fakavihia he Lanu mo e Fakamatakau. ‘Kia fakaalofa atu kia lautolu kua fai fi kia mutolu, kia liogi foki ma lautolu ne favale mai ki a mutolu.’—Mataio 5:43, 44.

Ko e tau mena kua talahau he Atua ki a tautolu kua mitaki ni ma tautolu. Nakai mukamuka tumau ke tiaki e taute mena kelea. Fakalataha mo e lagomatai a Iehova mo e lagomatai he hana Tau Fakamoli, maeke ia koe ke tiaki e taute e tau mena ne nakai fakafiafia e Atua.—Isaia 48:17; Filipi 4:13; Heperu 10:24, 25.