Skip to content

Skip to table of contents

Tau Fakamoli a Iehova

Fifili e vagahau Faka-Niue

 FAKAAKOAGA 11

Tiaki e Lotu Fakavai!

Tiaki e Lotu Fakavai!

Nakai manako a Satani mo e hana tau temoni ke fekafekau a koe ke he Atua. Manako a lautolu ke liliu kehe e tau tagata oti mai he Atua ka maeke ia lautolu. Lali fefe a lautolu ke taute e mena nei? Taha puhala mai he lotu fakavai. (2 Korinito 11:13-15) Kua fakavai e lotu ka nakai fakaako e kupu moli mai he Tohi Tapu. Ko e lotu fakavai kua tatai ia ke he tupe fakavai—nukua tuga e mena moli, ka kua nakai fai aoga. Kua maeke ke fakatupu e kelea lahi ki a koe.

Nakai maeke he tuaga fakavai he lotu ke fakafiafia a Iehova, ko e Atua fakamoli. He nofo a Iesu he lalolagi, fai matakau lotu ne manako ke kelipopo a ia. Manatu a lautolu ko e puhala hako e puhala tapuaki ha lautolu. Ne pehe a lautolu: “Ne taha ha m[a]utolu a Matua, ko e Atua haia.” Talia kia e Iesu? Nakai! Ne pehe a ia ki a lautolu: “Ko mutolu, mai he matua ha mutolu ko e tiapolo.” (Ioane 8:41, 44) Tokologa e tau tagata he vaha nei nukua manamanatu kua tapuaki a lautolu ke he Atua, ka kua fekafekau moli a lautolu ki a Satani mo e hana tau temoni!—1 Korinito 10:20.

 Tuga ni e akau popo ne fua mai e tau fua kelea, kua moua mai he lotu fakavai e tau tagata kua taute e tau mena kelea. Kua puke e lalolagi he tau mena vihi ha ko e tau mena kelea ne taute he tau tagata. Ha ha i ai e mahani feuaki, latau, kaiha, favale, kelipopo, mo e fakapilo pulenoa. Tokologa ne taute e tau mena kelea nei kua fai lotu, ka e nakai omoi he lotu ha lautolu a lautolu ke taute e mena mitaki. Nakai eke a lautolu mo tau kapitiga he Atua ato fakagata e lautolu e taute mena kelea.—Mataio 7:17, 18.

Kua fakaako he lotu fakavai e tau tagata ke liogi ke he tau tupua ta. Pehe e Atua aua neke liogi ke he tau tupua ta. Tonu e mena nei. Fiafia nakai a koe ka nakai tutala taha tagata ki a koe ka e tutala ni ke he ata hau? Ko e kapitiga moli kia hau e tagata ia? Nakai, ai pihia. Kua manako a Iehova ke he tau tagata ke tutala ki a ia, nakai ke he fakatino fakatai po ke ata, ne nakai fai moui.—Esoto 20:4, 5.

Kua fakaako he lotu fakavai kua hako ke keli falu he vaha felakutaki. Pehe a Iesu kua ha ha he tau kapitiga he Atua e feofanaki. Nakai kelipopo e tautolu e tau tagata ha ko e ha tautolu a fakaalofa. (Ioane 13:35) Kua hepe foki a tautolu ka kelipopo e tau tagata kelea. He magaaho ne o mai e tau fi ha Iesu ke tapaki a ia, ne nakai fakaata e ia hana tau tutaki ke lalago a ia.—Mataio 26:51, 52.

Kua fakaako he lotu fakavai to matematekelea e tau tagata mahani kelea i afi helo. Ka e, fakaako he Tohi Tapu kua takitaki e agahala ke he mate. (Roma 6:23) Ko Iehova ko e Atua he fakaalofa. Ti, fakakikiveka tukulagi kia he Atua fakaalofa e tau tagata? Nakai pihia! He Parataiso, to taha ni e lotu, ko e lotu kua talia e Iehova. (Fakakiteaga 15:4) Ko e tau lotu oti ne fakave ke he tau pikopiko a Satani to mole atu.