Skip to content

Skip to table of contents

Tau Fakamoli a Iehova

Fifili e vagahau Faka-Niue

 FAKAAKOAGA 5

To Nonofo e Tau Kapitiga he Atua he Parataiso

To Nonofo e Tau Kapitiga he Atua he Parataiso

To nakai tatai e Parataiso mo e lalolagi ne nonofo ai a tautolu mogonei. Nakai manako e Atua ke he lalolagi ke puke he tupetupe mo e momoko, mamahi mo e matematekelea. He vaha anoiha, to taute he Atua e lalolagi ke parataiso. To tuga e heigoa e Parataiso? O mai a tautolu ke kitia e talahauaga he Tohi Tapu:

Tau tagata mitaki. Ko e parataiso ko e kaina he tau kapitiga he Atua. To taute e lautolu e tau mena mitaki ma e falu. To momoui fakalagotatai a lautolu ke he tau puhala tututonu he Atua.—Tau Fakatai 2:21.

Loga e tau mena kai. He Parataiso, to nakai fai hoge. Kua talahau he Tohi Tapu: “To ha i ai e puke aloalolima he tau saito [po ke, tau mena kai] ke he motu.”—Salamo 72:16.

Tau fale mitaki mo e gahua fiafia. He lalolagi Parataiso, to igatia e magafaoa mo e ha lautolu ni a kaina. To igatia e tagata mo e taute e gahua kua ta mai e fiafia moli.—Isaia 65:21-23.

 Mafola e lalolagi katoa. To nakai liu fai tagata ke tau mo e mamate he felakutaki. Kua talahau he Kupu he Atua: “Kua fakahiku [he Atua] e tau.”—Salamo 46:8, 9.

Tino malolo mitaki. Kua mavehe mai he Tohi Tapu: “To nakai pehe mai foki taha kua nofo [he Parataiso], Kua gagao au.” (Isaia 33:24) To nakai fai foki ka kulikuli po ke mata pouli po ke teliga tuli po ke kuhukuhu.—Isaia 35:5, 6.

Ko e fakagata ke he mamahi, momoko, mo e mate. Kua talahau he Kupu he Atua: “Ti nakai tuai fai mate, po ke fakatutuku, po ke tagi, ti nakai tuai fai matematekelea; ha kua mole atu e tau mena fakamua.”—Fakakiteaga 21:4.

To momole atu e tau tagata kelea. Kua mavehe mai e Iehova: “To vevehe kehe mai he motu a lautolu ne mahani kelea, to taaki ai foki a lautolu ne mahani fakavai.”—Tau Fakatai 2:22.

To fefakaalofaaki mo e fefakalilifuaki e tau tagata. To nakai liu fai fakafili hepehepe, favale, lotokai, mo e fevihiatiaaki. To fakalataha e tau tagata mo e to nonofo lagotatai ke he tau puhala tututonu he Atua.—Isaia 26:9.