Skip to content

Skip to table of contents

Tau Fakamoli a Iehova

Fifili e vagahau Faka-Niue

 FAKAAKOAGA 2

Ko e Kapitiga Mitaki Ue Atu e Atua ke Moua e Koe

Ko e Kapitiga Mitaki Ue Atu e Atua ke Moua e Koe

Ke eke mo kapitiga he Atua ko e mena kua mitaki ue atu ke tupu ki a koe. To fakaako he Atua a koe ke he puhala ke fiafia mo e haohao mitaki; to fakatokanoa e ia a koe mai he tau taofiaga hehe mo e tau gahua fakamamahi. To fanogonogo a ia ke he tau liogi hau. To lagomatai e ia a koe ke olioli e mafola he loto mo e mauokafua. (Salamo 71:5; 73:28) To lalago he Atua a koe he tau magaaho tupetupe. (Salamo 18:18) Ti foaki atu he Atua ki a koe hana mena fakaalofa he moui tukulagi.—Roma 6:23.

He fakatata atu a koe ke he Atua, to tata foki a koe ke he tau kapitiga he Atua. To eke foki a lautolu mo tau kapitiga hau. Moli, to eke a lautolu mo tau lafu tugaane mo e mahakitaga ki a koe. To fiafia a lautolu ke fakaako a koe hagaao ke he Atua mo e to lagomatai a koe mo e fakamalolo a koe.

Nakai Tatai a Tautolu ke he Atua. He kumi e koe e tuaga kapitiga mo e Atua, kua lata ia koe ke maama e kakano aoga lahi. Ko e tuaga kapitiga mo e Atua ko e tuaga kapitiga nakai tatai mo e tau tagata. Kua motua lahi mo e pulotu lahi a ia mo e kua malolo atu a ia ki a tautolu. Ko ia ko e Pule tonu ha tautolu. Ti ka manako a tautolu ke eke mo tau kapitiga hana, kua lata ia tautolu ke fanogonogo ki a ia mo e taute e mena ne talahau e ia ki a tautolu ke taute. To gahua tumau e mena nei ma e ha tautolu a mitaki.—Isaia 48:18.