Skip to content

Skip to table of contents

Tau Fakamoli a Iehova

Fifili e vagahau Faka-Niue

 FAKAAKOAGA 23

Tohia mo e Fakaliliu Fēfē e Tau Tohi ha Mautolu?

Tohia mo e Fakaliliu Fēfē e Tau Tohi ha Mautolu?

Faahi Tohitohi, U.S.A.

Korea Toga

Amenia

Puruniti

Siri Lanaka

Ke maeke a mautolu ke taute e tau mena oti kana ke fakamatala e “vagahau [tala] mitaki” ke he “tau motu kehe oti, mo e tau magafaoa, mo e tau vagahau kehekehe, mo e tau motu,” kua taute e mautolu e tau tohi kavi ke he 750 vagahau. (Fakakiteaga 14:6) Taute fēfē e mautolu e gahua uka nei? Taute e mautolu mo e lagomataiaga he matakau tohitohi mo e matakau he tau tagata fakaliliu makutu—lautolu oti ko e Tau Fakamoli a Iehova.

Taute e vala tala fakamua ke he vagahau Peritania. Kua leveki he Kau Fakatufono e matagahua he Faahi Tohitohi ke he ha mautolu a matapatu he lalolagi. Kua leveki he faahi gahua nei e tau kotofaaga he tau tagata tohia ne fekafekau he matapatu mo e falu la ofisa. He kehekehe e matakau tohitohi kua fakaatā a mautolu ke moua e tau vala tala he tau motu kehekehe ne maeke he tau tohi ha mautolu ke putoia e lalolagi katoa.

Kua fakafano atu e vala tala ke he tau tagata fakaliliu. He oti e tohi he vala tala mo e talia ai, ne fakafano atu he Initanete ke he tau matakau fakaliliu he lalolagi katoa, ne fakaliliu, fakakiakia, mo e fakahakohako e vala tala. Ne eketaha a lautolu, ke fifili e “tau kupu [tonu] moli” ke moua e maamaaga katoa faka-Peritania ke he vagahau motu ha lautolu.Fakamatalaaga 12:10.

Fakamafiti he tau komopiuta e gahua. Kua nakai maeke e komopiuta ke hukui e tau tagata tohia mo e tau tagata fakaliliu. Pete ia, ko e tau gahua ha lautolu ne fakamafiti ai he fakaaoga e tau tohi fakamaama kupu, tau koloa fakaaoga he vagahau, mo e tau vala tala kumikumi he komopiuta. Ne talaga he Tau Fakamoli a Iehova e Multilanguage Electronic Publishing System (MEPS) ne maeke he tau vala tala ke tuku ke he teau e tau vagahau, tuku fakalataha mo e tau fakatino, ti fakatokatoka ke lata mo e lolomiaga.

Ko e ha kua tuku e mautolu e tau laliaga oti ke he tau mena nei, pihia foki ke he tau vagahau kua vagahau e lautolu ne nakai tokologa? Ha ko e finagalo a Iehova “ke fakamomoui e tau tagata oti kana, mo e hokotia a lautolu he maama ke he kupu moli.”1 Timoteo 2:3, 4.

  • Taute fēfē e tohiaga he tau tohi ha mautolu?

  • Ko e ha kua fakaliliu e mautolu e tau tohi ha mautolu ke he loga he tau vagahau?