Skip to content

Skip to table of contents

Tau Fakamoli a Iehova

Fifili e vagahau Faka-Niue

 FAKAAKOAGA 15

Lagomatai Fēfē he Tau Motua e Fakapotopotoaga?

Lagomatai Fēfē he Tau Motua e Fakapotopotoaga?

Finilani

Fakaako

Levekiaga

Fakamatala

Nakai totogi e tau tagata taane fekafekau he fakatokatokaaga ha mautolu. Ka kua taute ai tuga he kamata e fakapotopotoaga Kerisiano, ko e tau leveki lotomatala kua kotofa ke “leveki e ekalesia he Atua.” (Gahua 20:28) Ko e tau motua nei ko e tau tagata taane motua fakaagaaga ne takitaki e fakapotopotoaga mo e leveki ne kua “nakai he ole fakamakamaka ai; aua foki neke eke mo e fia eke koloa, ka ko e loto fiafia.” (1 Peteru 5:1-3) Ko e heigoa e gahua kua taute e lautolu ke lata mo mautolu?

Leveki e lautolu a mautolu mo e leoleo ki a mautolu. Kua fakahakohako mo e lagomatai fakaagaaga he tau motua e fakapotopotoaga. He mailoga kua tuku age he Atua ki a lautolu e matagahua aoga nei, kua nakai pule lahi e tau motua ke he tau tagata haana, ka e lafi e lautolu ke he ha mautolu a fiafia mo e olioli. (2 Korinito 1:24) Tuga ni e leveki mamoe ne leveki fakamitaki e tau mamoe takitaha haana, kua lali e tau motua ke iloa e tau tagata takitaha oti he fakapotopotoaga.Tau Fakatai 27:23.

Fakaako e lautolu a mautolu ke taute e finagalo he Atua. He tau faahi tapu takitaha, kua leveki he tau motua e tau feleveiaaga fakapotopotoaga ke maeke ke fakamalolō e tua ha mautolu. (Gahua 15:32) Ko e tau tagata taane fakamooli nei kua takitaki foki e gahua fakamatala, he gahua mo mautolu mo e fakamahani a mautolu ke he tau puhala kehekehe he fekafekauaga.

Foaki e lautolu ki a mautolu e fakamafanaaga fakatagata. Ke maeke ke leveki e tau manako fakaagaaga ha mautolu takitokotaha, ko e tau motua he fakapotopotoaga kua maeke ke ahiahi a mautolu he tau kaina ha mautolu po ke Fale he Kautu ke foaki e lagomatai mo e fakamafanaaga mai he tau Tohiaga Tapu.Iakopo 5:14, 15.

Lafi ke he tau gahua ha lautolu he fakapotopotoaga, laulahi he tau motua kua gahua tupe mo e fai matagahua fakamagafaoa foki kua lata ma e tau magaaho mo e tau onoonoaga ha lautolu. Ko e tau matakainaga taane gahua malolō nei kua lata mo e fakalilifu ha mautolu.1 Tesalonia 5:12, 13.

  • Ko e heigoa e matagahua he tau motua he fakapotopotoaga?

  • He tau puhala fe kua fakakite he tau motua e fiafia fakatagata ki a mautolu?