Skip to content

Skip to table of contents

Tau Fakamoli a Iehova

Fifili e vagahau Faka-Niue

 FAKAAKOAGA 25

Tau Fale he Kautu—Ko e Ha mo e Fēfē e Puhala ne Talaga Aki?

Tau Fale he Kautu—Ko e Ha mo e Fēfē e Puhala ne Talaga Aki?

Polivia

Nigeria, fakamua mo e fakamui

Tahiti

Kua hagaao e matahigoa Fale he Kautu ke he matapatu he fakaakoaga he Tohi Tapu ne hagaaki ke he Kautu he Atua—ko e matapatu he fekafekauaga ha Iesu.Luka 8:1.

Ko e tau matakavi pauaki he tapuakiaga mooli. Mai he matakavi ia, ko e fakamatala he tala mitaki he Kautu kua taute. (Mataio 24:14) Ko e tau Fale he Kautu kua kehekehe e lalahi mo e talagaaga, ka kua mitaki e puhala ne talaga aki ti kua loga e fakapotopotoaga ne fakaaoga ai. He tau tau e kua mole, ne talaga e mautolu hogofulu e afe he tau Fale he Kautu foou (evalesi ke lima he tau aho takitaha) ke fakatatau tumau mo e malikiti he tau fakapotopotoaga ha mautolu. Maeke fēfē e mena nei?Mataio 19:26.

Talaga aki e tau mena fakaalofa katoa ne tuku. Ko e tau mena fakaalofa nei ne fakafano ke he la ofisa ke maeke e tau tupe ke moua he tau fakapotopotoaga ke ta po ke liu fakafoou e Fale he Kautu.

Ne ta ai he tau tagata gahua noa ne o mai he tau puhala moui kehekehe. He tau motu loga, kua fakatokatoka e Tau Matakau Talaga he Fale he Kautu. Ko e tau matakau he tau fekafekau gahua talaga mo e tau tagata gahua noa ne hiki mai he taha fakapotopotoaga ke he taha he motu, pihia foki he tau matakavi mamao, ke lagomatai e tau fakapotopotoaga he matakavi ke talaga ha lautolu a tau Fale he Kautu. He falu motu, ko e Tau Fakamoli lotomatala ne fifili ke leveki e gahua talaga mo e fakafoou e tau Fale he Kautu he magamotu ne kua kotofa. Pete kua tokologa e tagata kamuta lotomatala he talaga kua o mai he matakavi ia kua gahua noa he tau matakavi ta fale, ko e laulahi he tau tagata he fakapotopotoaga kua taute e tau matagahua ikiiki. Ko e agaaga a Iehova mo e tau laliaga loto katoa he tau tagata haana kua taute e tau mena oti nei ke maeke.Salamo 127:1; Kolose 3:23.

  • Ko e ha kua fakahigoa e tau matakavi ha mautolu he tapuakiaga ko e tau Fale he Kautu?

  • Maeke fēfē ke ta e tau Fale he Kautu he lalolagi katoa?