Skip to content

Skip to table of contents

Tau Fakamoli a Iehova

Fifili e vagahau Faka-Niue

 FAKAAKOAGA 26

Lagomatai Fēfē ke Leveki ha Mautolu a Fale he Kautu?

Lagomatai Fēfē ke Leveki ha Mautolu a Fale he Kautu?

Esetonia

Simipapue

Mogokolia

Pueto Riko

Igatia e Fale he Kautu he Tau Fakamoli a Iehova mo e ha i ai e higoa tapu he Atua. Ko e mena ia, kua logona e mautolu ko e fakalataha ke fakatumau ke fakameā, fakamaopoopo, mo e fakafoou e fale ko e lilifu mo e vala aoga he tapuakiaga tapu ha mautolu. Fai vala e tau tagata oti.

Foaki noa e magaaho ke fakameā ka oti e feleveiaaga. He oti e tau feleveiaaga takitaha, kua fiafia e tau matakainaga ke fakameā fakakū e Fale he Kautu. Fa taute tumau e fakameāaga lahi. Kua leveki he motua po ke fekafekau lagomatai e gahua, fa muitua ai ke he tau mena kua tohi hifo ke taute. Uta ni ke he mena kua lata, ko e tau tagata gahua takitaha ke tafi, mopo, po ke vacuum e foloa, tafitafi e tau efu, fakahakohako e tau nofoa, fakameā mo e kana e tau fale tote, kana e tau hio mo e tau fakaata, ligi e tau veve, po ke fakameā mo e huo a fafo. Kavi ke he lagataha he tau, kua fakatoka e aho ke taute e fakameāaga katoa. He fakalataha e tau tama ha mautolu he falu matagahua, kua fakaako e mautolu a lautolu ke fakalilifu e matakavi he tapuakiaga ha mautolu.Fakamatalaaga 5:1.

Limalima auloa ke fakafoou e tau mena kua malona. He tau tau takitaha, ko e tivi fakamatafeiga kua taute ki loto mo fafo he Fale he Kautu. Fakavē ke he tiviaga nei, ko e matagahua ke leveki tumau e fale, he lagomatai ke fakatote hifo e totogiaga. (2 Nofoaga he Tau Patuiki 24:13; 34:10) Ko e Fale he Kautu ne meā mo e leveki mitaki ko e matakavi uho lahi ke tapuaki ke he Atua ha mautolu. He fai vala he gahua nei, kua fakakite e mautolu e tata lahi ha Iehova mo e matakavi tapuaki ha mautolu ke he tau loto ha mautolu. (Salamo 122:1) Kua fakakite foki he mena nei e onoonoaga mitaki mai he matakavi.2 Korinito 6:3.

  • Ko e ha kua nakai lata ia mautolu ke fakaheu e matakavi ha mautolu he tapuakiaga?

  • Ko e heigoa e tau fakatokaaga kua taute ke fakatumau e meā he Fale he Kautu?