Skip to content

Skip to table of contents

Tau Fakamoli a Iehova

Fifili e vagahau Faka-Niue

 FAKAAKOAGA 24

Fakatupe Fēfē ha Mautolu a Gahua he Lalolagi Katoa?

Fakatupe Fēfē ha Mautolu a Gahua he Lalolagi Katoa?

Nepali

Togo

Peritania

Ko e fakatokatokaaga ha mautolu ne lolomi mo e tufatufa e tau miliona Tohi Tapu mo e falu tohi he tau tau takitaha ne nakai totogi. Ne talaga mo e leveki tumau e mautolu e tau Fale he Kautu mo e tau la ofisa. Ne lalago e mautolu e tokoafe he tau tagata he Peteli mo e tau misionare, mo e taute e mautolu e foakiaga lagomatai he tau magaaho matematekelea pauaki. Ti liga manamanatu a koe, ‘Fakatupe fēfē e tau mena oti nei?’

Nakai tuku e tau mena ke hogofuluaki, kotofa tupe, po ke tuku tupe a mautolu. Pete ne tauuka e totogi he lalagoaga he gahua fakamatala ha mautolu, ne nakai kaiole tupe a mautolu. He tau senetenari kua mole, ko e fufuta ke uaaki he mekasini Watchtower ne talahau kua talitonu a mautolu na moua e mautolu e lalagoaga ha Iehova ti ko e mena ia ha mautolu kua “nakai kaiole po ke ole ke he tau tagata ma e lalagoaga”—ti nakaila taute pihia e mautolu!Mataio 10:8.

Ko e tau matagahua ha mautolu kua lalago he tau mena fakaalofa tupe foaki noa. Tokologa e tagata ne loto fakaaue ke he tau fakaakoaga gahua fakaako Tohi Tapu ha mautolu mo e foaki e tau tupe ke lata ai. Kua foaki fiafia he Tau Fakamoli ha lautolu a tau magaaho, tau malolō, tau tupe, mo e falu koloa ke he tauteaga he finagalo he Atua ke he lalolagi katoa. (1 Nofoaga he Tau Patuiki 29:9) He Fale he Kautu mo e tau toloaga mo e tau fonoaga ha tautolu, ha ha i ai e tau puha foaki mena fakaalofa kua maeke ia lautolu ke foaki e tau mena fakaalofa ka manako a lautolu. Po ke tuku e tau mena fakaalofa puhala he faahi kupega hila, jw.org. He laulahi he tau magaaho, ko e tau tupe ne moua mai ia lautolu ne nakai monuina, tatai tonu ke he takape nofogati ne hagaao ki ai a Iesu he tuku ua e tupe ikiiki ke he puha he faituga. (Luka 21:1-4) Ti maeke tumau he ha tagata ke “tuku age ai hana mena” he “tuga e fifili ke he hana loto.”1 Korinito 16:2; 2 Korinito 9:7.

Kua talitonu a mautolu to fakatumau a Iehova ke omoomoi e tau loto ha lautolu kua manako ke ‘fakalilifu atu kia ia mo e ha lautolu a tau koloa’ he lalago e gahua he Kautu ke maeke ke fakamooli e finagalo haana.Tau Fakatai 3:9.

  • Ko e heigoa kua taute e fakatokatokaaga ha mautolu ke kehe mai he falu lotu?

  • Maeke fēfē e tau mena fakaalofa tupe foaki noa ke fakaaoga?