Skip to content

Skip to table of contents

Tau Fakamoli a Iehova

Fifili e vagahau Faka-Niue

 VALA 9

Magaaho Fe ka Hoko Mai e Parataiso?

Magaaho Fe ka Hoko Mai e Parataiso?

Kitia ke he tau lekua he lalolagi to nakai leva ti gahua e Kautu he Atua. Luka 21:10, 11; 2 Timoteo 3:1-5

Talahau tuai he Tohi Tapu e tau mena loga kua tutupu he vahā nei. Pehē ai ko e tau tagata to velevele koloa, faliuliu ke he tau matua, favale, mo e manako lahi ke he tau mena ke fiafia ki ai.

To ha ha i ai e tau mafuike lalahi, tau felakutaki, tau hoge, mo e tau tatalu hane tupu lahi. Ko e tau mena ia hane tupu mogonei.

Ne pehē foki a Iesu to fakamatala e tala mitaki he Kautu ke he lalolagi oti.​—Mataio 24:14.

 To holoholo kehe he Kautu e tau mena kelea oti kana. 2 Peteru 3:13

To nakai leva ti moumou e Iehova e tau mahani kelea oti kana.

To fakahala a Satani mo e tau temoni.

Ko lautolu kua fanogonogo ke he Atua to hao atu ke he lalolagi tututonu foou, ka nakai liu fai matakutaku, ko e lalolagi ne falanaki mo e fakaalofa e taha ke he taha.