Skip to content

Skip to table of contents

Tau Fakamoli a Iehova

Fifili e vagahau Faka-Niue

 VALA 6

Ko e Heigoa kua Fakaako e Tautolu Mai he Fakapuke Lahi?

Ko e Heigoa kua Fakaako e Tautolu Mai he Fakapuke Lahi?

Moumou he Atua e tau tagata kelea ka e hao a Noa mo e magafaoa haana. Kenese 7:11, 12, 23

Ne to e uha ke 40 e aho ti 40 e po, ti ufitia e lalolagi katoa he vai. Ne mamate oti e tau tagata mahani kelea.

Ko e tau agelu totoko ne toka e tau tino tagata ha lautolu ti eke mo tau temoni.

Ko lautolu i loto he vaka ne momoui. Fakamui, ne mamate a Noa mo e magafaoa haana, to liuaki mai he Atua a lautolu ke he moui mo e amaamanaki ke he moui tukulagi.

 To liu e Atua ke moumou e tau tagata kelea ti fakahao e tau tagata mitaki. Mataio 24:37-39

Ko Satani mo e tau temoni ne matutaki ke fakahehē e tau tagata.

He vahā nei, tuga he vahā a Noa, tokologa ne tiaki e takitakiaga fakaalofa a Iehova. Nakai leva to moumou e Iehova e tau tagata mahani kelea oti kana.​—2 Peteru 2:5, 6.

Falu tagata kua tuga a Noa. Kua fanogonogo a lautolu ke he Atua mo e taute e mena ne talahau e ia; ko lautolu ko e Tau Fakamoli a Iehova.