Skip to content

Skip to table of contents

Tau Fakamoli a Iehova

Fifili e vagahau Faka-Niue

Folafolaaga

Folafolaaga

Ke he Tagata Totou:

Logona nakai e koe e tata ke he Atua? Ke he tokologa, ko e mena nakai maeke a ia ke moua. Ne logona he falu kua mamao lahi a ia; falu kua logona e fakaagitau he nakai maeke ke fakatata ke he Atua. Ka kua fakamafana fakaalofa mai e Tohi Tapu ki a tautolu: “Kia fakatata atu a mutolu ke he Atua, ti fakatata mai ai a ia kia mutolu.” (Iakopo 4:8) Ne fakamoli age foki a ia ke he tau tagata tapuaki hana: “Ko au ko Iehova ko e Atua hau, ko ia kua taofi hau a lima matau; ko ia kua pehe atu kia koe, Ua matakutaku a koe ko au ni kua lagomatai kia koe.”Isaia 41:13.

Maeke fefe a tautolu ke moua e fakafetuiaga tata pihia mo e Atua? He ha fakakapitiga ne fakatu e tautolu, kua fakave ai ke he iloa e tagata, ke he manako mo e nava ke he hana tau mahani. Ti ko e tau fua mo e tau puhala he Atua, tuga ne fakakite i loto he Tohi Tapu, ko e matakupu kua lata lahi ke kumikumi ki ai. He manamanatu ke he puhala ne fakakite taki lagataha e Iehova e tau fua hana, he kitia e puhala ne fakaata katoatoa ai e Iesu Keriso, mo e maama e puhala ka feaki ai foki e tautolu, ka futia fakatata a tautolu ke he Atua. To kitia e tautolu ko Iehova ko e Pule tonuhia mo e mitaki katoatoa he lalolagi mo e lagi katoatoa. Mena ne mua foki, ko e Matua a ia ne manako lahi ki ai a tautolu. Kua malolo, fakafili tonu, pulotu, mo e fakaalofa, ne nakai lagataha a ia ke tiaki e fanau tua fakamoli hana.

Kia lagomatai he tohi nei a koe ke fakatata fakalahi atu ki a Iehova ko e Atua, ke fakatu e fakaveaga tukulagi mo ia, ke maeke ai ia koe ke fakaheke a ia tukulagi.

Ko e Tau Fakailoa