Skip to content

Skip to table of contents

Tau Fakamoli a Iehova

Fifili e vagahau Faka-Niue

 APENETIKI

Kia Kautū ke Tiaki e Aga Mulumō

Kia Kautū ke Tiaki e Aga Mulumō

Ko e aga mulumō kua nakai fakafiafia e Atua, ka e tupu mai e tau mahani ne manamanatu e tagata ki a ia ni, mo e ke he tau mena kelea ne takiva e haana manamanatuaga. * Ko e tagata ne mulumō, kua ono a ia ke he falu tagata ke fakaaoga fakahanoa a lautolu ke he mahani fakataane mo e fifine​—ko e tau puhala ke fakamakona aki e mahani feuaki. Ko e mahani fakataane mo e fifine mogoia kua nakai fakafetui ke he fakaalofa, ka kua taute ai he tagata ke moua e fiafia kū mo e fakamakona e tau manako fakataane mo e fifine haana ni. Ka e nakai leva e makona he manako haana. Mooli ai, ne nakai tamate e tau faahi tino ke he mahani “feuaki, ko e mahani kelea, ko e manako kelea,” ka kua fakalagalaga he mulumō e tau mahani nei.​—Kolose 3:5.

Ne tohi he aposetolo ko Paulo: “Ko e tau fakahelehele na e, . . . kia fakamea e tautolu a tautolu ke he tau mena oti ke kelea ai e tino katoa mo e agaga, kia fakakatoatoa ai e tau mahani mitaki mo e matakutaku ke he Atua.” (2 Korinito 7:1) Ka uka ia koe ke talia e tau kupu nei, ua fakaagitau. Mautali tumau a Iehova ke “fakamagalo” mo e lagomatai. (Salamo 86:5; Luka 11:9-13) Ko e loto tupetupe mo e tau laliaga haau ke tiaki e aga nei, kua fakakite e koe e manako ke fakaoti ai, pete he kaumahala falu magaaho. Ti tokaloto foki, “kua mua e Atua ke he tau loto ha tautolu, kua fioia foki e ia e tau mena oti kana.” (1 Ioane  3:20) Nakai ko e tau agahala ni ha tautolu ne kitia he Atua, ka e kitia e ia e tagata katoa. Ko e pulotu nei ati maeke a ia ke logona mo e fakaalofa ke he ha tautolu a tau olelalo ke fakamagalo. Ti ua fakalolelole ke haga atu mo e liogi fakatokolalo ke he Atua, tuga e tamatote ka matematekelea ne finatu ke he haana matua taane. To fakamonuina e Iehova a koe mo e loto manamanatu ne meā. (Salamo 51:1-12, 17; Isaia 1:18) He mooli ai, kua lata a koe ke taute e tau hikiaga hako ke fakatatau mo e haau a tau liogi. Ma e fakatai, to fakamakamaka a koe ke kalo kehe he tau ata telefua mo e tau kapitiga kelea. *

Ka uka ia koe ke tiaki e aga mulumō, fakamolemole fakatutala mo e matua Kerisiano po ke tagata motua fakaagaaga mo e kapitiga fakahele haau. *​—Tau Fakatai 1:8, 9; 1 Tesalonia 5:14; Tito 2:3-5.

^ para. 1 Ko e mulumō ne putoia ai e amoamo po ke mulumulu ke he tau vala he mouiaga, ke fakamakona e tau manako feuaki.

^ para. 2 He fakatoka e puhala ke fakaaoga aki e komopiuta, ko e falu magafaoa ne toka e lautolu e komopiuta he lotofale. Lafi ki ai, ne fakatau he falu magafaoa e tau polokalama ke puipui e komopiuta ha lautolu mai he tau mena kelea. Ka e nakai falanaki katoatoa to gahua tumau e tau polokalama nei.

^ para. 1 Ma e tau talahauaga aoga ke kautū mai he aga mulumō, kikite e vala tala “Young People Ask . . . How Can I Conquer This Habit?” mai he mekasini Awake! ia Novema 2006, mo e he tohi Questions Young People Ask​Answers That Work, Volume 1, lau 178-182.