Skip to content

Skip to table of contents

Tau Fakamoli a Iehova

Fifili e vagahau Faka-Niue

 APENETIKI

Ko Hai a Mekaeli ko e Agelu ne Mua?

Ko Hai a Mekaeli ko e Agelu ne Mua?

KO E mena moui fakaagaaga ne ui ko Mekaeli kua nakai totoku tumau i loto he Tohi Tapu. Ka e ka hagaao ki a ia, kua fai mena tumau a ia ne taute. I loto he tohi a Tanielu, ne tau a Mekaeli mo e tau agelu kelea; he tohi a Iuta, ne taufetoko a ia mo Satani; mo e he Fakakiteaga, ne tau a ia mo e Tiapolo mo e tau temoni haana. He lalago e pule a Iehova mo e tau atu ke he tau fī he Atua, ne fakamooli e Mekaeli e kakano he higoa haana—“Ko Hai ne Tatai mo e Atua?” Ka ko hai a Mekaeli?

Falu magaaho, kua nakai taha ni e higoa ne iloa ai e tagata. Ke fakatai, ko e matua tupuna ko Iakopo kua ui foki ko Isaraela, mo e aposetolo ko Peteru kua ui ko Simona. (Kenese 49:1, 2; Mataio 10:2) Tatai foki, ne fakakite he Tohi Tapu ko Mekaeli ko e taha higoa ma Iesu Keriso, fakamua mo e he mole e moui haana he lalolagi. Kia fakatutala a tautolu ke he tau kakano faka-Tohiaga Tapu ati hokotia atu a tautolu ke he fakahikuaga ia.

Agelu ne Mua. Ne hagaao e Kupu he Atua ki a Mekaeli “ko e agelu ne mua.” (Iuta 9) Kakano he alaga kupu nei ko e “agelu takitaki.” Mailoga ai kua ui a Mekaeli ko e agelu ne mua. Talahau ai he mena nei kua taha ni e agelu pihia. Ti, ko e alaga kupu “agelu ne mua” kua fakaaoga he Tohi Tapu ke he tagata tokotaha, nakai tokologa. Mua atu foki, kua matutaki a Iesu ke he tuaga he agelu ne mua. Hagaao ke he Iki ko Iesu Keriso ne fakaliu tu mai, ne talahau he 1 Tesalonia 4:16: “Ko e mena  haele hifo e Iki ni mai he lagi, mo e kalaga, mo e leo he agelu ne mua.” Ti ko e leo ha Iesu kua fakamaama ko e leo he agelu ne mua. Kua fakakite ai he kupu tohi nei ko Iesu ni e agelu ne mua ko Mekaeli.

Takitaki he Kau. Ne pehē e Tohi Tapu “ko Mekaeli mo e hana tau agelu kua tau ke he tarako, . . . mo e hana tau agelu.” (Fakakiteaga 12:7) Ti, ko Mekaeli ko e Takitaki he kau he tau agelu tua fakamooli. Fakamaama foki he Fakakiteaga a Iesu ko e Takitaki he kau he tau agelu tua fakamooli. (Fakakiteaga 19:14-16) Mo e totoku pauaki he aposetolo ko Paulo “e Iki ko Iesu” mo e ‘tau agelu malolo hana.’ (2 Tesalonia 1:7) Ti vagahau e Tohi Tapu hagaao ki a Mekaeli mo e “hana tau agelu” mo Iesu mo e “hana tau agelu.” (Mataio 13:41; 16:27; 24:31; 1 Peteru 3:22) Ha kua nakai fakakite he Kupu he Atua kua ua e kau he tau agelu tua fakamooli i luga he lagi—taha ne takitaki e Mekaeli mo e taha ne takitaki e Iesu—kua lata ni mogoia ke fakahiku ko Mekaeli ko Iesu Keriso ne fa e taute e matagahua haana i luga he lagi. *

^ para. 1 Ma e falu fakailoaaga ne fakakite e higoa Mekaeli ke hagaao ke he Tama he Atua, kua moua he Volume 2, lau tohi 393-394, he Insight on the Scriptures, ne taute fakailoa he Tau Fakamoli a Iehova.