Skip to content

Skip to table of contents

Tau Fakamoli a Iehova

Fifili e vagahau Faka-Niue

8. Ko e Heigoa e Kautu he Atua?

8. Ko e Heigoa e Kautu he Atua?

1 KO E KAUTU HE ATUA KO E FAKATUFONO MOOLI

“Kia hoko mai hau a kautu. Kia eke hau a finagalo ke he lalolagi, tuga ne eke ke he lagi.”​—Mataio 6:9-13

Ko e heigoa e Kautu he Atua?

2 TO EKE A IESU MO PATUIKI NE MUA E MITAKI

“To fakafili ai e ia mo e tututonu e tau tagata lolelole.”​—Isaia 11:4

Ko e ha kua latatonu a Iesu ke Patuiki he Kautu?

  • 1 Timoteo 6:16

    Ko e tau tagata oti ne pule he lalolagi to mamate, ka e nakai maeke a Iesu ke mate. Ko e tau mena mitaki oti ka taute e Iesu ma tautolu, to tumau tukulagi.

  • Isaia 11:2-4

    Maeke a Iesu ke taute e tau mena kua mitaki atu ke he ha tagata ne kua pule. Kua mua e malolō haana ke he tau pule oti he lalolagi. Kua tututonu mo e fakaalofa hofihofi noa a ia.

3 KO E KAUTU HE ATUA KA FAKAMOOLI E FINAGALO HE ATUA

“To fakatu ai he Atua he lagi e kautu nakai fakaoti tukulagi.”​—Tanielu 2:44

Ko e heigoa kua fitā he taute he Kautu? Ko e heigoa ka taute ai ma anoiha?

  • Fakakiteaga 12:7-12

    He mole e fakatū ha Iesu ko e Patuiki he 1914, ne liti hifo e ia a Satani mai he lagi ke he lalolagi. Ko e kakano a ia ne lahi e matematekelea, mamahi, mo e fakaatukehe he lalolagi katoa.

  • Fakamatalaaga 8:9; Fakakiteaga 16:16

    To moumou he Kautu he Atua i Amaketo, e tau fakatufono vale mo e mahani keukeu he tagata.

  • Salamo 37:10

    To fakaotioti e tau tagata ne tumau ke taute e tau mena kelea.

  • Fakakiteaga 22:1-3

    He magaaho ka pule e Kautu he Atua ke he lalolagi, to nakai fai tagata ka gagao po ke mamate, mo e to fakaheke he tau tagata oti e higoa he Atua.