Skip to content

Skip to table of contents

Tau Fakamoli a Iehova

Fifili e vagahau Faka-Niue

6. Ō ki Fe a Tautolu ka Mamate?

6. Ō ki Fe a Tautolu ka Mamate?

1 KA MATE E TAGATA, KUA FAKAOTI HAANA A MOUI

“Ko lautolu ne mamate nakai iloa e lautolu ha mena.”​—Fakamatalaaga 9:5

Ko e heigoa ka tupu ki a tautolu ka mamate?

2 NAKAI MANAKO A IEHOVA KE MAMATE E TAU TAGATA

“Ko e akau ke iloa ai e mitaki mo e kelea, aua neke kai ai e koe; ha ko e aho ka kai ai e koe to mate ai ni a koe.”​—Kenese 2:17

Ko e ha ne mamate a tautolu?

  • Kenese 3:1-6

    Ne pikopiko a Satani ki a Eva ke he mena ka tupu, ka nakai omaoma a ia ke he poaki he Atua. He nakai omaoma a Atamu mo Eva ki a Iehova, kua agahala a laua ti mamate.

  • Kenese 3:19

    He mate a Atamu, ti kua nakai moui a ia.

  • Roma 5:12

    Ko e agahala kua tuga e gagao kelea lahi, ne moua oti e tautolu mai he ha tautolu a tau mamatua fakamua. Kua fanau oti a tautolu ko e tau tagata agahala, ti ko e kakano a ia ne mamate a tautolu.

  • 1 Korinito 15:26

    Talahau he Tohi Tapu ko e fī e mate.

3 KO E KUPU MOOLI HAGAAO KE HE MATE KA ATĀINA A TAUTOLU

“Ka mate e tagata to liu moui mai kia a ia? To tatali atu au . . . ato hoko mai a ia ke hukui aki au.”​—Iopu 14:14

Maeke fēfē he iloa e kupu mooli hagaao ke he mate, ka fakahao a tautolu mai he tau manatu hepe?

  • 1 Ioane 4:8

    Kua ekefakakelea he fakaakoaga ke he afi velagia a Iehova. To nakai fakaai a ia ke fakamatematekelea e tau tagata ke he puhala nei.

  • Fakakiteaga 4:11

    Tokologa e tagata ne matakutaku ke he tau tagata mamate, ti matakutaku mo e tapuaki ki a lautolu, ka e nakai ki a Iehova. Ko Iehova e Atua mooli, ti kua lata a tautolu ke tapuaki kia ia hokoia ni.