Skip to content

Skip to table of contents

Tau Fakamoli a Iehova

Fifili e vagahau Faka-Niue

5. Ko e Lukutoto​—Mena Fakaalofa Mua Ue Atu he Atua

5. Ko e Lukutoto​—Mena Fakaalofa Mua Ue Atu he Atua

1 KUA LATA MA TAUTOLU OTI E LUKUTOTO

‘Ko e Tama he tagata ne hau . . . he foaki hana moui mo lukutoto ke hukui aki e tau tagata tokologa.’​—Mataio 20:28

Ko e ha ne lata a tautolu mo e lukutoto?

  • Kenese 3:17-19

    He nakai omaoma a Atamu ke he Atua, ne galo e fakafetuiaga tata haana mo Iehova, moui mitaki katoatoa, mo e kaina Parataiso.

  • Roma 5:12

    Ha ko e mena ne taute e Atamu, kua moua e tautolu e agahala mo e mate.

  • Efeso 1:7

    Ko e lukutoto, ko e puhala a ia ha Iehova ke fakahao e tau tagata mai he hala mo e mate.

2 KO IEHOVA NE FOAKI E LUKUTOTO

“Fakafano mai he Atua hana Tama fuataha ke he lalolagi, kia momoui a tautolu kia ia.”​—1 Ioane 4:9

Foaki fēfē e Iehova e lukutoto?

  • Salamo 49:7, 8

    Nakai maeke taha ia tautolu ke totogi e lukutoto ma e moui mitaki katoatoa ne galo ia Atamu.

  • Luka 1:35

    Fakafano mai e Iehova e Tama fakahele haana ke he lalolagi, ke fanau ko e tagata mitaki katoatoa.

  • Roma 3:23, 24; Heperu 9:24

    He mole e liu tu mai ha Iesu, ne liu hake a ia ke he lagi mo e foaki ki a Iehova e aoga he haana a moui mitaki katoatoa, mo lukutoto.

3 FOAKI HE LUKUTOTO E AMANAKIAGA MOOLI KI A TAUTOLU

“To holoholo kehe he Atua e tau hihina mata oti mai he tau mata ha lautolu; ti nakai tuai fai mate.”​—Fakakiteaga 21:4

Maeke fēfē a tautolu ke fai aoga mai he lukutoto?

  • 1 Ioane 1:8, 9

    Maeke e tau hala ha tautolu ke fakamagalo.

  • Heperu 9:13, 14

    Maeke a tautolu ke moua e manamanatuaga meā ki mua he Atua.

  • Roma 6:23

    Moua e tautolu e amaamanakiaga ko e moui tukulagi.

  • Kalatia 2:20

    Kua fakamooli he mena fakaalofa ko e lukutoto, na fakaalofa mooli a Iehova mo Iesu ki a tautolu.

4 LATA A TAUTOLU KE TALIA E LUKUTOTO

“Nukua pihia e fakaalofa mai he Atua . . . kua ta mai ai hana Tama fuataha, kia nakai mate taha ne tua kia ia, ka kia moua e ia e moui tukulagi.”​—Ioane 3:16

Fakakite fēfē e tautolu e loto fakaaue ke he mena fakaalofa he Atua ko e lukutoto?

  • Ioane 17:3

    Kumi ke iloa a Iehova mo Iesu, mo e fifitaki a laua.

  • Luka 22:19

    Fakalataha ke he Fakamanatuaga he matulei ha Keriso he tau tau takitaha.

  • Ioane 3:36; Iakopo 2:26

    Taute foki e taha mena, ka e ua talahau noa na talitonu a mautolu ki a Iesu. Taute e tau mena ne fakaako mai e Iesu ki a tautolu.